2 Timoti 4:11 - Samburu

¹¹ Luka ake apeny otii ene tenebo o nanu. Tumo Marko, nilotu ene o ninye, amu laisiaayiani le tipat ninye te siaai lai le likoroto.

2 Timoti 4:11 ပူးပေါင်းရင်းမြစ်များ

Matayo 19:30

Kake kore lkumo oara lekue tana kop, naa keaku kenya le siedi, naa kore le siedi tana kop, neaku kenya lekue.>>

Matayo 20:16

Nejia naa etiu, keaku le siedi lekue, neaku lekue le siedi.>>

Luka 13:30

Naa keaku kenya lolo le siedi lekue, neaku lekue le siedi.>>

Asat 12:12

Kore payie eyielou ninye ana, nelo nkaji e Maria ng'otonye Yoana oitokini aajo Marko, inie neotuo ltung'ana kumo aaomon tenebo.

Asat 12:25

Kore payie eidip Barnabas o Saulo aaichooi naduo reto te Yerusalem, nechuko eata Yoana oitokini aajo Marko.

Asat 15:37

Naa keyieu apa Barnabas neya Yoana oitokini ajo Marko tenebo o ninche,

Asat 15:39

Nejing'u Paulo o Barnabas nchankar nairewua, neroyie aaoro. Nerik ꞉Barnabas Marko nepuo lkuran oji Saipiras te meli,

Asat 16:10

Kore eidipa Paulo atoduaa inia duata, nikinyok nabokata aapuo Makedonia, kitoduaa aajo Nkai naipoto iyioo matiliki ninche Lomon Supati teinie.

Lkolosae 4:10

Eiroroki sii ntae lboitiei lai Arisitarko oteenaki tenebo o nanu, o Marko apiyio le Barnabas oitaarriyianakaki apa ntae aajoki kore tanaa kelotu nitii, entang'amai!

Lkolosae 4:14

Keiroroki ntae Luka, lkitarrii lang likicham, neiroroki sii ntae Demas.

2 Timoti 1:15

Iyielo taata ajo kore lolo pooki otii inia kop e Asia naa kaatung'aitie nanu, etii Pigelo o Ermogene.

2 Timoti 2:21

Kore pooki ng'ae oitoorere koon nenia tokitin torrok, naa keaku masaaita naasieki siaai le tipat, naitaaki sinyati, nera ne reto to lkitok lenye, neidim lkitok lenye ataasichere te siaai pooki supat.

Pilemon 1:24

Nikiroroki sii ꞉Marko o Arisitarko o Demas o Luka oaara laisiaayiak tenebo o nanu.

1 Petero 5:13

Kore sii nkanisa natii Babilon, nategeluaki ana ntae, naa keiroroki ntae. Neiroroki sii ntae Marko oara nkerai ai.