2 Timoti 4:1 - Samburu

¹ Kaareki aitaarriyian iyie tekue Nkai o tekue Kristo Yeso, oiguanare looichu o lootuata, o tankaraki nalotu ninye aitoreicho ana Lkinkii, nchere

2 Timoti 4:1 ပူးပေါင်းရင်းမြစ်များ

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Luka 19:12

Nejoki, <

Luka 19:15

Kore payie echukunye etumo nkitoria, nejo meipoti lolo aisiaayiak ooichoo apa ropiyiani, meteyielo dikir natumie nenia ropiyiani.

Luka 23:42

Nejo ninye, <>

Asat 10:42

Neitanapa iyioo payie kiliki ltung'ana lang nikintemioki nchere ninye taa etegelua Nkai metaa laiguanani loo loichu o lootuata.

Asat 17:31

Amu ketegelua Nkai mparri nabo nadung'okinyie nkop kiguana tee sipat, naa keas ana to ltung'ani otegelua ꞉ninye. Kore sipata naaitodol ltung'ana pooki ajo ketegelua ninye, naa keitipiwua ninye taatua lootuata.>>

Rroman 2:16

Inji naa kenya etiu te inia parri teneicho ꞉Nkai Yeso Kristo metijing'a mpaach enye aiguanare mbaa naaisudoro ee ltung'ana ana nejo Lomon Supati lalikorita.

Lkolosae 3:4

Kore payie eibalunye kenya Kristo oara nkichui inchi, neitokini sii aaibalunyie ntae tenebo o ninye to wong'an kitok.

2 Ltesalonike 2:8

Kore inia kata, neibalunyieki laduo aitarruoni, ilo oidakie ꞉Laitoriani Yeso te nkiyeng'ata e nkutuk enye, neichu ninye te nkitoo enye, tenechukunyie.

1 Timoti 5:21

Kaaitanap iyie katukul tekue Nkai o Kristo Yeso o lmalaikani oogeluno, payie iimbung kuna kitanapat, nimidung mbae nimisip, nimiata ngela.

2 Timoti 1:10

kake /keibalunyieki taata, payie elotu Laitejeunoni lang Kristo Yeso nkop, nemir lkiye, neibalunyie ninye too Lomon Supati nchere, ikinchu ntarasi, nimikiye aikata.

2 Timoti 2:14

Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning.

2 Timoti 4:18

Kaalaku nanu ꞉Laitoriani taatua mbae pooki torno, naaya nkitoria enye e chumata te seriani. Metaa nenye nkisisa ntarasi o ntarasi. Aamin.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

1 Petero 1:7

Kesipuni chiaake soit omiri oji saabu teneimieki nkima, naa keidim saabu nerroyo, kake kore nkurukoto keata tipat oleng alang saabu. Kore kuna temat niimaa, naa itumtum payie esipuni nkurukoto inchi. Kore tanaa kesipa nkurukoto inchi, neaku kenya rrepet o nkisisa o nkanyit teneibalunyieki Yeso Kristo.

1 Petero 4:5

Kake keipari kenya ninche, tekue ilo oterretene payie eiguanare looichu o lootuata.

1 Petero 5:4

Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

2 Petero 1:17

Ketang'amayie ninye nkanyit o nkitoo ta Nkai Papa naata nkitoo naaisul pooki, apa payie ejo, <>

1 Yoana 2:28

Nakera! Kore taata, entibik taatua ninye, paa kore teneibalunyieki, nikintieu aitacho tekue ninye, nemenya iyioo anyit to lotunoto enye.

Mbolunoto 1:7

Ng'ura! Kelotu tee nkidisin, naa kedol ꞉nkong'u pooki ninye, abaki lolo apa ooteremo, naa keichir ltung'ana pooki le nkop tankaraki ninye. Ee keaku nejia!