2 Timoti 2:7 - Samburu

⁷ Taparrai najoito, amu ikincho iyie Laitoriani ng'eno taa mbaa pooki.

2 Timoti 2:7 ပူးပေါင်းရင်းမြစ်များ

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Luka 24:45

Kore ake inia kata, nebol ninche nkuechi meteyielou Lkigerot Sinyat.

Luka 9:44

<>

Yoana 14:26

Kore ilo Aretoni aa Ltau Sinyati, oreu ꞉Papa ta nkarna ai, naa keiteng'en ntae ntokitin pooki, neitoki sii aitaparru ntae mbaa pooki natilika apa ntae.

Yoana 16:13

Kake kore tenelotu Ltau le ndedei nerikoki ntae ndedei pooki, amu melimu ninye mbaa enyena makoon. Kore ake pooki naning, nelimu, neliki sii ntae mbaa naawuon epuonu.

Asat 7:10

nelaku taatua sinaitin pooki lenyena. Neicho ꞉Nkai ninye omom o ng'eno tekue Parao lkinkii le Misiri. Nepik ꞉Parao ninye nkitoria meitoria Misiri o nkang enye pooki.

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

Lpilipi 4:8

Kore naidipie, lalachera o nkanachera, entaparrai nenia tokitin naadede o nenia naichiaakino rrepet, nenia ee sipat, nenia nemeata ntioto o nenia naachamaroi. Kore ntoki pooki naichiaakino lwuenet supat o nkanyit, entaparrai inia.

Lkolosae 1:9

Naa tankaraki inia paa kore ang'asu mparri nikining lomon linchi, eitu kipal mikiomonoki ntae, nikinchiraki Nkai payie eiteyielo ntae katukul yieuna enye, te ng'eno o te ning'unoto pooki naicho ntae Ltau lenye,

1 Timoti 4:15

Tipika kuna baa atua ltau lino, nimbung payie edol ltung'ana pooki aajo iloito kue.

2 Timoti 2:6

Kore ltung'ani onyok aas siaai la lchampa, naa ninye lekue oyieri payie etum orati e ndung'ure.

2 Timoti 2:8

Taparru Yeso Kristo, oitipiwuaki taatua lootuata nera laa lmakui le Daudi ana nejo Lomon Supati lalikorita.

Lburania 12:3

Entaparru newua sina oitamita ꞉ltung'ana loo ng'ok ninye! Entaparrai naa ninye payie minaururu negila ntae ltauja.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Lburania 7:4

Ng'ura ja newua apa Melkisedek! Keichoo sii akuyia lang ꞉Abraam motua e tomon ee ntokitin e tipat naatarua te njore.

Yakobo 1:5

Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

Yakobo 3:15

Kore inia ng'eno, naa mara ng'eno nagut e Nkai kake ne nkop, mara ne Ltau Sinyati kake naa lairiruani.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

1 Yoana 5:20

Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi.