2 Timoti 2:11 - Samburu

¹¹ Kore ele rerei naa keirukoi: Tanaa ikituata apa tenebo o ninye, naa ikintoki kenya aaichu tenebo o ninye.

2 Timoti 2:11 ပူးပေါင်းရင်းမြစ်များ

Yoana 14:19

Kore te nkini kata, maaitoki ꞉nkop adol, kake kore ntae naa ikidoldol. Kore amu kaichu nanu, inchuchu sii ntae.

Rroman 6:5

Amu kore tanaa keitutumokaki iyioo ninye aaiko inji te lkiye otuwuana lenye, keitutumokini sii aitoki iyioo ninye te mpiunoto natuwuana nenye.

Rroman 6:8

Naa tanaa ikituata tenebo o Kristo, ikiruk sii aajo ikinchu tenebo o ninye.

2 Lkorinto 13:4

Amu kore abaki tanaa te nchalan etechoki Yeso neri metua to lmusalaba, keichu to ngolon e Nkai. Naa iyielouu aajo kore kitii iyioo atua Kristo naa ikichal, kake ikinchu tenebo o ninye to ngolon e Nkai.

2 Lkorinto 4:10

Kore to ng'oji pooki nikipuo naa ikitumuto tee seseni lang mion natumo apa Yeso payie eri, neibalunyieki sii nkichui enye te nkichon ang.

1 Ltesalonike 4:17

Kore ake tesiedi inia, kore iyioo ooichu ootung'ayieki, newuapari aailiepie tenebo o ninche taatua nkidisin, payie kinang'are Laitoriani to loing'ang'e, naaku ikiboitiere Laitoriani ntarasi.

1 Ltesalonike 5:10

ilo otua tankaraki iyioo paa kore tanaa ikinchu tanaa kilurate, naa ikinchu tenebo o ninye.

1 Timoti 1:15

Naa kesipa ele rerei neisiligai, neichiaakino payie eng'amari nchere, keyewuo Kristo Yeso nkop payie eitajeu ltung'ana loo ng'ok, naa nanu ojool lolo pooki.

1 Timoti 3:1

Keisiligai ele rerei, nchere kore teneyieu ltung'ani neaku larikoni le nkanisa, naa siaai supat eyieu.

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.