2 Timoti 1:8 - Samburu

⁸ Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

2 Timoti 1:8 ပူးပေါင်းရင်းမြစ်များ

Marko 8:38

Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>

Luka 9:26

Amu kore ilo odol anyit tankaraki nanu o rereii lainien, naa kedol abaki ꞉Nkerai e ltung'ani anyit te ninye, tenelotu to wong'an e nkitoo enye o ne Papa o nee lmalaikani sinyat.

Yoana 15:27

Kore sii ntae nintaii limunoto e sipata naaipirita nanu, amu itii apake tenebo o nanu ta ng'asunoto.

Yoana 19:35

Kore ltung'ani otoduaa inia, netilimua sipata enye payie itumtum airuko. Naa kore inia sipata natilimua ninye naa kedede, neyielo ninye ajo ndedei eiro.

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

Rroman 8:36

Ana naigero ajo, <>

Rroman 9:33

Ana naigero ajo, <>

1 Lkorinto 1:6

tankaraki sipata nikitilimutua naipirita Kristo, naitodolua Nkai taatua ntae ajo kedede.

2 Lkorinto 6:7

Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

Epeso 3:1

Tankaraki inia paa kore nanu Paulo, oena tankaraki nara le Kristo Yeso o tankaraki natilika ntae, ltung'ana lamara loo Lyiaudi Lomon Supati, naomon Papa.

Epeso 3:13

Naaku kajoki ntae payie minchocho egila ntae ltauja tankaraki e sina laatumo tankaraki natilika ntae Lomon Supati, amu ketaase inia payie itumtum ntae rrepeta.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Epeso 4:17

Naaku kajoki ntae ana, naitarrap ntae ta nkarna e Laitoriani, nchere payie mintokiki katukul aawueni ana neiko loreren lemeyielo Nkai ooirukurukore mparrunot enche e pecheu.

Lpilipi 1:7

Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.

Lpilipi 3:10

payie ayielou Kristo oleng, nayielou sii inia ngolon naitipiwua ninye aitung'aa lootuata. Nayielou sii netiu tanang'arie sina, natuwuanai ninye te lkiye lenye,

Lpilipi 4:13

Kaidim ataasa nenia baa pooki atii atua Kristo laaicho ngolon.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Ltesalonike 3:4

Amu kore kitii tenebo o ntae, naa ikitilikita apa ntae aasioki nchere ikitum sina, ana nataase taata, niyielolo sii.

1 Timoti 2:6

oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

2 Timoti 1:10

kake /keibalunyieki taata, payie elotu Laitejeunoni lang Kristo Yeso nkop, nemir lkiye, neibalunyie ninye too Lomon Supati nchere, ikinchu ntarasi, nimikiye aikata.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

2 Timoti 2:3

Naa tama sina tenebo o nanu ana sikarii supat le Kristo Yeso.

2 Timoti 2:8

Taparru Yeso Kristo, oitipiwuaki taatua lootuata nera laa lmakui le Daudi ana nejo Lomon Supati lalikorita.

2 Timoti 2:9

Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai.

2 Timoti 4:17

Kake kaatereto Laitoriani naaicho ngolon payie atum aidipa likoroto ai ee Lomon Supati, netum loreren pooki aatining. Naaku, aaitayiaki to nkutuk e lowuoru.

2 Timoti 4:5

Kake kore iyie Timoti, taa ltung'ani otem mbaa nkata pooki, ting'iria taatua sinaitin, taasa siaai oyiere neas ltung'ani olikoo Lomon Supati, nintabaya nkisiaayiare nikinchooki.

1 Petero 1:5

Nerrip ꞉Nkai ntae to ngolon enye, iwuenini to nkurukoto, payie ing'amaa inia jeunoto natipikaki payie eibalunyieki ta nkata e nkiting'oto.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,

Mbolunoto 1:2

Nelimu Yoana sipata e inia pooki natoduaa naipirita lomon ooing'uaa Nkai ootilika ꞉Yeso Kristo.

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 12:11

Netimira ꞉ninche ninye to lodo lo Lkuo leker o te limunoto naipirita Yeso. Neitu abaki echamu nkichoni enche metaa keturia eri metuata.

Mbolunoto 19:10

Narriakino nkejek enyena asai, kake naajoki, <>