2 Timoti 1:6 - Samburu

⁶ Naa inia paaitaparru iyie payie intipij inia kichooroto e Nkai, inia nikitii atua nitumo payie aaiteleki nkaik aainien.

2 Timoti 1:6 ပူးပေါင်းရင်းမြစ်များ

Luka 19:13

Neipot laisiaayiak tomon lenyena, meata leitu eicho enata nabo ee ropiyiani. Nejoki,

Asat 19:6

neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho.

Asat 6:6

Neyau kulo tung'ana tekue lolo Kipaareta, neomonoki ꞉Lkipaareta ninche, neiteleki nkaik.

1 Ltesalonike 5:19

Emiar nkima e Ltau Sinyati.

1 Timoti 4:14

Mintololoki inia kichooroto nikitii atua, nikinchooki apa ta naibon payie kinteleki lturrur laa lpayiani le nkanisa nkaik.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

2 Timoti 2:14

Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Lburania 6:2

Nimikintoki sii aachukokino nkiteng'ena ekue naipirita nkipatisa o nkitelekinoto ee nkaik o mpiunoto ee lootuata o nkiguana ee ntarasi.

2 Petero 1:12

Naaku kayieu chiaake naitaparru ntae kuna baa, abaki iyielolo ninche, nintachoto aipidaki taatua inia dedei naichooki ntae.

2 Petero 3:1

Ltung'ana lainien lacham, kore ana palai, naa mpalai ai e are naigeroka ntae. Naa kore too kuna pala pukura, kasaan aputu ntae entaparricho taa mparrunot inchi supati!

Yuda 1:5

Kore abaki iyielolo ntae kuna pooki, naa kaitaparru ake ntae nchere keitejewua apa ꞉Laitoriani ltung'ana lenyena alaku ang'as to nkop e Misiri, kake neitoki aidakie tesiedi lolo leitu eiruk.