2 Timoti 1:5 - Samburu

⁵ Kaparru inia kurukoto ino nadede nikitii atua, natii apa atua nkoko lino Lois o ng'utunyi Yunis, naata taata sipata nchere ikitamanya atua iyie.

2 Timoti 1:5 ပူးပေါင်းရင်းမြစ်များ

Yoana 1:47

Nedol ꞉Yeso Nataniel elotuta, nejo kulo omon oipirita ninye, <>

Asat 16:1

Nebaya Paulo o Silas lkerenket le Derbe neitoki sii aapuo le Lisitira. Netii inie loiteng'eni oji Timoti, oara ng'otonye ntito ee Lyiaudi nairuko Yeso, nera papa lenye loo Lgirriki.

Asat 26:26

Keata Lkinkii lomon ooipirita kuna baa pooki, naa kairorie ninye maata ngureticho, tankaraki naata sipata ajo meata ntoki natalang'a ninye too kuna pooki, amu eitu easi to lkutoto.

Rroman 14:14

Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye.

Rroman 14:5

Keatae ltung'ani odol mparri nabo ajo ne tipat alang nkae, neatae lodol ajo kerisio mperot pooki, enchoo metaa meatae ltung'ani lemesip taa mparrunot enyena inia natoduaa ajo kedede.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

Rroman 4:21

Neata sipata katukul ajo kore ilo oitayia lekutuk naa keidim sii ataasa ana natejo.

Rroman 8:38

Amu kaata sipata ajo, mara lkiye, namara nkichon, namara lmalaikani, namara laitoriak, namara mbaa naatii taata, namara mbaa naapuonu kenya, namara ngolon naje,

2 Lkorinto 6:6

Ikintodolu aajo ikira laisiaayiak le Nkai, aaku ltung'ana oowong nikiata ng'eno o ng'iriata o lng'er nerikoo iyioo Ltau Sinyati, nikintodol ltung'ana nchaman nadede.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 3:15

niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso.

Lburania 11:13

Kore kulo tung'ana pooki naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop.

Lburania 6:9

Sotuatin lainien lacham, kore abaki kijoito nchi, ikiata sipata naipirita ntae aajo irara ntae lchampa supat olang ilo, naa itumtum njeunoto.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.