2 Timoti 1:4 - Samburu

⁴ Kore tanaparru lkiyio limbukoyie payie aaing'uaa, nayieuu naadol iyie payie atum ng'ida oleng.

2 Timoti 1:4 ပူးပေါင်းရင်းမြစ်များ

Yoana 16:22

Nchi naa abaki itiuu ntae, isinaniono taata kake kaitoki adol ntae, neng'ida ltauja linchi. Kore inia ng'ida nitumutum, meatae looru ntae.

Yoana 16:24

Kore o taata meatae ntoki nitoomonutua ta nkarna ai. Entoomonu, naa ing'amaa payie etum ng'ida inchi atoboreyia.

Asat 20:19

Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua.

Asat 20:31

Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.

Rroman 1:11

amu kayieu oleng nadol ntae payie atum atang'arie ntae nkichooroto e Ltau le Nkai payie eitogoli ntae.

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

Lpilipi 2:26

amu keyieu nedol ntae oleng, nenyamal aitoki tankaraki itining'o aajo ketomoyia.

1 Ltesalonike 2:17

Lalachera o nkanachera, kore apa payie eorieki iyioo ntae te nkiti kata, aa tee seseni namara taa ltauja, kitonyuaa oleng tankaraki nikitong'uarra payie kitumo nikidol ntae nkomomi.

2 Timoti 4:21

Tonyuaa tesieku wou ene, ewuon eitu ebau ng'amata e nkijepe. Ikiroroki ꞉Eubulo o Puden o Lino o Kilaudia, o lalachera o nkanachera pooki naairuko Kristo.

2 Timoti 4:9

Timoti, tonyuaa tesieku wou ene natii.

1 Yoana 1:4

Ikingerito iyioo ana, payie eitabari ng'ida aang.

Mbolunoto 21:4

Kejut lkiyioi pooki too nkonyek enche, nemeitokini aata katukul lkiye tanaa sina tanaa nkichirata tanaa mion, amu eidipa mbaa e apa aatung'ututari.>>

Mbolunoto 7:17

Amu kore ilo Kuo leker oitache tankalo lorika le nkitoo, ninye oaku Lchekut lenche nerikoki ninche lchorroi le nkare naichu. Naa kejut Nkai pooki kiyioi too nkonyek enche.>>