2 Timoti 1:3 - Samburu

³ Kaicho Nkai nache, naisiaaita emusoo ltau lai nchere meata ntoki naakurrieki, ana apake lmakui lang, aaparru iyie nkata pooki to nkomono ai kuarie o parkiji.

2 Timoti 1:3 ပူးပေါင်းရင်းမြစ်များ

Luka 2:37

Neye lpayian newuon era nkoiliai larin 84 meipung'u taatua nkaji e Nkai, esai Nkai kuarie o parkiji een nkutuk aomon.

Asat 22:3

<

Asat 23:1

Neing'ode ꞉Paulo inia kiguana ee lpayiani nejoki, <>

Asat 24:14

Kake kaibalie ajo kara loirukurukore inia oitiei e nkurukoto najo ninche nkiteng'ena e sapare. Naa kore teinia oitiei naisiaai Nkai ee lmakui lang. Nairuk sii mbaa pooki naaigero tee nkitanapat o naigero too mbukui ee loibonok le Nkai.

Asat 24:16

Naaku kore nkata pooki, kanyok metaa kaning ta ltau lai ajo meata naakurrieki tekue Nkai o tekue ltung'ana.

Asat 26:4

<

Asat 27:23

Kore ng'ole kuarie naa kaaipung'oka ꞉lmalaika le inia Ai nara lenye nara sii laisiaayiani lenye,

Rroman 9:1

Kairorita mbaa naadede amu kara le Kristo namajoito sapare amu katumuse naiteyielo sii Ltau Sinyati.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

Lgalatia 1:14

Nalo kue taatua nkurukoto ee Lyiaudi alang risere ai pooki, naibung lkuak loo lmakui alang ninche.

Epeso 1:16

eitu apal eitu aichooyo nache tankaraki ntae, aparru ntae to nkomono ai.

1 Ltesalonike 3:10

Kore kuarie o parkiji, naa ikiomonito mikintisia payie kitum mpaach nikidolie ntae nkomomi, nikitum sii aaiputu ntoki natong'oro to nkurukoto inchi.

1 Timoti 1:19

imbung'uta nkurukoto niyielo ta ltau lino ajo miata nikikurrieki. Ketii lbata ootabarakita aany inia dedei naibala taa ltauja lenche, neidakie nkurukoto enche.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

1 Timoti 5:5

Kore nkoiliai nemeata ltung'ani oibung'uta, natung'ayieki aa ninye apeny, naa ketipika siligi lenye Nkai elej neomon kuarie o parkiji meichoo reto.

2 Timoti 1:5

Kaparru inia kurukoto ino nadede nikitii atua, natii apa atua nkoko lino Lois o ng'utunyi Yunis, naata taata sipata nchere ikitamanya atua iyie.

2 Timoti 3:15

niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso.

Lburania 13:8

Kore Yeso Kristo naa meibelekenya, kore netiu apake, nejia etiu taata, naa nejia etiu ntarasi.