2 Timoti 1:14 - Samburu

¹⁴ Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo.

2 Timoti 1:14 ပူးပေါင်းရင်းမြစ်များ

Luka 16:11

Neaku naa, teneitu iakuku ntae looisiligai ta parakuoicho e nkop, ng'ae oisiligie ntae parakuoicho nadede?

Yoana 14:17

Kore ilo Aretoni naa Ltau oitodolu ndedei. Meidim nkop atang'amai ninye, amu medol nemeyielo. Kake iyielolo ntae ninye amu kewuon tenebo o ntae, nemany atua ntae.

Rroman 3:2

Ikiret tinirara Lyiaudi too nkoitieii kumo. Kore nekue naa Lyiaudi apa eing'urieki rerei lenye.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

Rroman 8:9

Kake mitii ntae taabori nkitoria e mpukunoto inchi torno, taabori nkitoria e Ltau Sinyati itii, tankaraki kemanya ntae Ltau le Nkai atua. Kore tenemeata ꞉ltung'ani Ltau Sinyati le Kristo naa mara lenye.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

1 Lkorinto 6:19

Amaa, miyielolo aajo kore sesen linchi naa nkaji namanya ilo Ltau Sinyati oichoo ntae Nkai, naa miyielolo aajo irara le likae?

1 Lkorinto 9:17

Kore tanaa yieuna ai alikorie, anata aa kaichiaakino laata, kake mara yieuna ai amu Nkai naaitaa laing'urani le ele siaai.

2 Lkorinto 5:16

Naaku kore ang'asu taata meata ltung'ani likiya to nduata e ltung'ani. Kore abaki kiwaita apa Kristo te inia oitiei, merekure taata king'or ninye aiko nejia.

Lgalatia 2:7

Kake nedol ꞉ninche aajo kaaichooki Lomon Supati maitabaki lmomurata, ana apake neikunaki payie eichori Petero Lomon Supati meitabaki loomurata.

Epeso 2:22

Naa taatua ninye sii echetutae ntae aaibung'ie tenebo ta Ltau Sinyati payie iakuku ng'oji nemany Nkai.

Epeso 5:18

Emintoki aamera ta naichuo, amu kore merai naa keicho ntae enchirkalie ntokitin inchi, kake enchoo eiput ntae Ltau Sinyati,

Lkolosae 4:11

Neiroroki sii ntae ilo Yeso oitokini ajo Yusuto. Kore taatua Lyiaudi, kulo tung'ana aapeny pukura okuni oaasita siaai tenebo o nanu tankaraki nkitoria e Nkai, netaa ninche le rereto kitok ta nanu.

1 Ltesalonike 5:19

Emiar nkima e Ltau Sinyati.

1 Timoti 1:11

Nejia ejo Lomon Supati le nkitoo e Nkai ang namayiana, lolo Omon laaichooki nanu mataa laing'urani.

1 Timoti 6:20

Timoti lai, irrita nenia pooki nikitipikaki nkaina. Talama nenia baa ena kop nemeata tipat o mbaa naapaachaa e sapare, naajo lkulie eji ng'eno,

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.