2 Timoti 1:13 - Samburu

¹³ Mbung'a naa ilo rerei odede litining'o alikoo, metaa ninye iduaaya to nkurukoto o te nchaman natii atua Kristo Yeso.

2 Timoti 1:13 ပူးပေါင်းရင်းမြစ်များ

Rroman 2:20

nira loutaa lolo lemeitoki eyielo, nira laiteng'enani loo lolo oaamae, niata ng'eno o ndedei taatua nkitanapat e Nkai.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 4:9

Kore ntoki pooki naiteng'ena ntae o naitarasaka nanu ntae o nitining'o nitoduaa te nanu, entaas nkata pooki, naa keaku Nkai e seriani tenebo o ntae.

Lkolosae 1:4

amu ikitining'o aajo itipika nkurukoto inchi atua Laitejeunoni Yeso, nikitining'o sii newua nchaman niatata too sinyat pooki le Nkai.

1 Ltesalonike 5:21

kake entetem ntoki pooki, nintirrichakiki aaibung inia supat.

1 Timoti 1:10

Neitayiaki sii tankaraki ltung'ana oaas loloito o lewa oaas loloito o lkulie lewa o loomir ltung'ana metaa rrindiki o lolo oaasapicho o lolo oaanya lmumai le sapare o nkae toki pooki napaachere nkiteng'ena nadede.

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.

2 Timoti 1:14

Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

2 Timoti 3:14

Kake kore iyie, towuana naa taatua nenia nikinteng'enaki nitisipua, amu iyielo ajo oong'ae itumie inia kiteng'ena,

2 Timoti 4:3

Amu kelotu kenya nkata nemeidimare ltung'ana nkiteng'ena nadede. Kore neas ninche, naa ng'uarrat enche erubare neiturrurroki ate laiteng'enak oojo mbaa naayieu nkiyiaa enche nening.

Tito 1:9

Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori.

Tito 2:1

Kake kore iyie, nteng'enicho mbaa naaichiaari e nkiteng'ena nadede,

Tito 2:8

neichiaari nkuroroto ino nemeata ntoki nakurrieki, metaa kore lolo likimbooyo, nenya anyit meata mbae torno najo naipirita iyioo.

Lburania 10:23

Mikipal kilimu aaipidaki ilo siligi likijo ikiata, amu keisiligai ilo oichoo iyioo lekutuk.

Lburania 3:6

Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.

Mbolunoto 2:25

mara ake payie imbung'bung inia niatata ana maeu.

Mbolunoto 3:11

Kalotuta asieku, embung'a entirrichaki inia niatata, payie meatae loworu ntae nkopiyia inchi e nkisulata.

Mbolunoto 3:3

Entaparru naa ndedei naiteng'enaki apa ntae nitang'amatie, embung'a inia nirriididu. Kake kore tanaa minyuotototo, kalotu nitii tana lapurroni nimiyielouu hoo nkata nalotu.