2 Timoti 1:10 - Samburu

¹⁰ kake /keibalunyieki taata, payie elotu Laitejeunoni lang Kristo Yeso nkop, nemir lkiye, neibalunyie ninye too Lomon Supati nchere, ikinchu ntarasi, nimikiye aikata.

2 Timoti 1:10 ပူးပေါင်းရင်းမြစ်များ

Luka 11:36

Naaku naa tanaa kebore sesen lino pooki wong'an nemeata rubata naata naimin, newong'u ng'oji pooki, ana tinikintowong wong'an e lkilang'ilang'et.>>

Luka 13:7

Nejoki laitibirani la lchampa lo lmusabibu,

Luka 2:11

Amu kore ana parri te lkerenket le Daudi, etiikaki ntae laitejeunoni, naa ninye Kristo Laitoriani.

Yoana 1:9

inia wong'an nadede nalotuta apa nkop, naa ninye naicho pooki ng'ae wong'an.

Yoana 14:6

Nejoki ꞉Yeso, <

Yoana 20:31

Kake keigeroki kuna payie itumtum aairuko aajo kore Yeso naa ilo Aitejeunoni oaanyutae oji Kristo, nera Nkerai e Nkai. Naa kore ta nkarna enye, niatata nkichon nemeiting tinirukuruk inia.

Yoana 4:42

Nejoki naa ꞉ninche inia kitok, <>

Yoana 5:40

kake kore eyia naa itanya ipuonunu natii payie itumtum nkichon nemeiting.

Asat 13:23

Neitoki Paulo ajo, <

Asat 5:31

Keiliepie ninye ꞉Nkai metewuenie nkaina enye e tetene metaa Lkitok o Laitejeunoni payie eicho Isirael nkoitiei e nkirridunoto o ne mpalikinoto ee ng'ok.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 3:31

Naa amaa, ikintaa nkitanapat meitoki tankaraki ana kurukoto? Mikintaa hooyia! Kake ikimbung Nkitanapat.

Rroman 6:6

Ikiyielo nchere ketechoki mpukunoto ang musana ee ng'ok tenebo o ninye, payie etumi aaidakie ngolon e ng'ok, nemeitokini aapik iyioo rrindikicho ee ng'ok.

1 Lkorinto 15:26

Kore lmang'antita omiri tesiedi pooki naa lkiye.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

2 Lkorinto 5:4

Amu kore ake ewuon kiata ele sesen le ana kop naa ikinchir, neirochi iyioo ltauja tankaraki nimikiyieu neitaini ele sesen lang, kake ikiyieu payie eichopokini iyioo sesen lemeye paa kore ele sesen oye, neimulmuli te nkichui nabik ntarasi.

Lgalatia 5:4

Etoorieki ntae Kristo, ntae oonyok aayiaya meikenakini sipat to nkoitiei ee nkitanapat. Iterriate, nilamlam munyani e Nkai.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

2 Ltesalonike 2:8

Kore inia kata, neibalunyieki laduo aitarruoni, ilo oidakie ꞉Laitoriani Yeso te nkiyeng'ata e nkutuk enye, neichu ninye te nkitoo enye, tenechukunyie.

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

2 Timoti 4:1

Kaareki aitaarriyian iyie tekue Nkai o tekue Kristo Yeso, oiguanare looichu o lootuata, o tankaraki nalotu ninye aitoreicho ana Lkinkii, nchere

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Tito 2:11

Amu /keibalunyieki munyani e Nkai, payie eyau njeunoto ee ltung'ana pooki.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Tito 3:4

Kake kore apa payie eibalunyie Nkai nara Laitejeunoni lang supaticho o nchaman enye naata too ltung'ana,

Lburania 10:32

Entaparru apa payie ing'amumu wong'an e Nkai, ninkuna payie ing'iriri sina ogol.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 2:20

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

2 Petero 3:2

Kore nayieu naa payie aitaparru ntae lomon ootejo apa Loibonok sinyat le Nkai ewuon eng'or, naitoki sii aitaparru ntae nkiteng'ena ee lkipaareta linchi, inia kiteng'ena naichoo ninche ꞉Laitoriani o Laitejeunoni lang.

1 Yoana 1:2

Kore inia kichui naa /keibalunyieki, nikitoduaa, nikilimu, nikilikoo sii aajo nchere ninye nkichui ee ntarasi natii apa tenebo o Papa, neinyiaka sii aipung'oki iyioo.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

Mbolunoto 18:1

Kore payie eim kuna baa pooki, nadol aitoki likae malaika edou eing'uaa chumata eata nkitoria kitok, neitulu wong'an e nkitoo enye nkop.

Mbolunoto 2:7

<< >>

Mbolunoto 20:14

Nenang'akini Lkiye o nemeneng'a mpaso e nkima. Kore mpaso e nkima naa ninye lkiye le oare.

Mbolunoto 22:14

Emayiana lolo ooituko nkilani enche metusupata, payie etum sipata naimie ltimito aajing ilo kerenket nenya lng'anayioi lo lcheni oata nkichui nemeiting.

Mbolunoto 22:17

Kejo Ltau le Nkai o nkaibartani e Lkuo leker, <> Nchoo lolo pooki ooning inia ejo, <> Kore pooki oaata nkure neyieu nkare namat, wootu entamat nkare naata nkichui nemeitoki eitami.