2 Petero 3:15 - Samburu

¹⁵ Enkena aajo keng'iri Laitoriani payie ejeu ltung'ana! Naa nejia apake etiaka ntae lalache lang Paulo likicham, payie eigeroki ntae te ng'eno naichooki ninye.

2 Petero 3:15 ပူးပေါင်းရင်းမြစ်များ

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Asat 15:25

Naaku ikitachamaitie iyioo tanaboicho aagelu Yuda o Silas nikireuu meotu nitii tenebo o lolo alachera lang likicham, aa Barnabas o Paulo,

Asat 7:10

nelaku taatua sinaitin pooki lenyena. Neicho ꞉Nkai ninye omom o ng'eno tekue Parao lkinkii le Misiri. Nepik ꞉Parao ninye nkitoria meitoria Misiri o nkang enye pooki.

Asat 9:17

Nelo Anania nejing inia aji, neiteleki Saulo nkaik nejoki, <>

Rroman 2:4

Ana imenaa iyie nowua supaticho o mborron o ng'iriata enye? Miyielo iyie ajo ikirikoo ꞉Nkai to supaticho enye kitok mbelekenyai?

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

1 Lkorinto 2:13

Ikilikoo kuna mbaa, namara tee rereii ooing'uaa ng'eno e ltung'ani, kake tee rereii ooing'uaa Ltau Sinyati kinteng'enicho, nikilimu nenia mbaa enyena to nkoitiei enye.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

Epeso 3:3

inia kipirte e Nkai naisudoro naaibalakinyieki nanu ana naidipa aigero to ndorropo.

1 Timoti 1:16

Kore abaki apa aa nanu ojool lolo ltung'ana loo ng'ok, naa keitodolua Kristo Yeso newua ng'iriata enye ta nanu. Naa keaku ana nkitanyanyukoto too lolo pooki kenya oopuonu aairuk ninye payie etum nkichon ee ntarasi.

Yakobo 1:5

Kore teneatae taatua ntae lotong'orika ng'eno, enchoo eomonu ta Nkai naa ninye naicho pooki ng'ae eyieu nemebuaaki aing'ode, naa keichori ninye.

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

1 Petero 3:20

amu kore lolo tauja naa ketanya apa ening Nkai, eanyuta ninche te ng'iriata ta nkata apa nachetita Noa meli. Lkuni tung'ana ake isiet ootijing'a, neitejeunyieki nkare.

2 Petero 3:2

Kore nayieu naa payie aitaparru ntae lomon ootejo apa Loibonok sinyat le Nkai ewuon eng'or, naitoki sii aitaparru ntae nkiteng'ena ee lkipaareta linchi, inia kiteng'ena naichoo ninche ꞉Laitoriani o Laitejeunoni lang.

2 Petero 3:9

Kore Laitoriani naa mara keimalmal eitu eitabaya lekutuk lenye, ana nayaita lkulikae tung'ana aajo keimalmal. Keng'iri Nkai taa ntae amu meyieu payie eatae lkuti ooidaari, kake payie etum pooki ng'ae airriidu.