2 Petero 3:11 - Samburu

¹¹ Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

2 Petero 3:11 ပူးပေါင်းရင်းမြစ်များ

Matayo 8:27

Neing'asia ꞉ninche, neipara aajo, <>

Rroman 13:11

Kore sii aitoki iyielolo aajo aa ng'amata ana, etabawua nkata payie inyuotototo aaing'uaa njuo. Amu etinyikua taata njeunoto aang alang apa payie king'asu aairuk.

Rroman 13:12

Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Lpilipi 3:20

Kake kore iyioo naa keigero nkarn ang te chumata, nikintirrichuta aanyu Laitejeunoni lang Yeso Kristo eing'uaa chumata.

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 6:11

Kake kore iyie ltung'ani le Nkai, talama nenia pooki, ninyok aing'oru payie iaku ltung'ani loosipat, neyanyit Nkai, niaku loisiligai niata nchaman o ng'iriata o mborron.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

1 Timoti 6:6

Kake kore tiniyanyit Nkai, nikintiemu inia niata nimiata lderro, naa inia dupoto sapuk.

Lburania 13:5

Emiaku ltung'ana oaata lubo ee ropiyiani, enchoo eitiemu ntae ntoki niatata amu ketejo Nkai, <>

Yakobo 1:24

kore payie eidip atichila, nelo te inie nerikino ake inia kata netiu duo nkomom enye.

Yakobo 3:13

Kalo tung'ani taa ntae oara ng'en neata yielounoto? Nchoo eitodolu te lwuenet lenye supat asat enyena naas to mborron naing'uaa ng'eno nagut.

1 Petero 1:15

Naa kore ana nara ilo oipoto ntae sinyati, naaku naa entaa sii ntae sinyat ta mbaa inchi pooki.

1 Petero 2:12

Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 1:6

niponikiki yielounoto e rerei le Nkai nkubooroto e koon, niponikiki nkubooroto e koon ng'iriata, niponikiki ng'iriata uriata e Nkai,

2 Petero 3:10

Kake kelotu mparri e Laitoriani meitekini ana lapurroni. Naa kore inia parri, keimin chumata te nkikirikiroto sapuk, neidakie lapa o ndama o lakir ꞉nkima, nepejori ntoki pooki naitibiraki to nkop.

2 Petero 3:12

iyanyutata inia parri e Nkai, ninyoknyok aaitesieku meyeu. Kore kenya inia mparri naa keidakieki chumata te nkima, nechola lapa o ndama o lakir epejori.