2 Petero 2:7 - Samburu

⁷ Neitejeu ꞉Nkai ltung'ani oji Lot oara apa ninye loosipat oitemioto ltau lenye ꞉mbaa e anyit naasita lolo aitarruok.

2 Petero 2:7 ပူးပေါင်းရင်းမြစ်များ

1 Lkorinto 10:13

Kore inia temata nitumo, taparru ajo ntemat ake naatiu nejia eimarita ltung'ana pooki. Naa keisiligai Nkai amu meicho ntae etum ntemat naalang nindimumu. Kore aitoki teneitemei ntae, naa keitibir Nkai nkoitiei nimpung'unyienyie taatua nenia temat payie itumtum aating'iria.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.

2 Petero 2:2

Keirukurukore lkumo mbaa enche e anyit, naa kore tankaraki ninche nedeki nkoitiei e ndedei.

2 Petero 3:17

Naaku naa, lacham lainien, kore amu iyielolo ana ewuon eitu easai, errita ate payie meitopong'oo ntae nkiteng'ena e sapare ee lolo aitarruok, nirria aaing'uaa nkitachoto inchi.

Yuda 1:4

Amu keteleliakinete atua ntae ltung'ana ooigerokaki apa nkiguana ewoun eng'or. Kore ninche naa ltung'ana lemeyanyit Nkai, neibelekenya munyani e Nkai ang aaitaa nkoitiei naasie asat e aanyit, neany Yeso Kristo oara ninye apeny lkitok, naa ninye apeny Laitoriani lang.