2 Petero 1:6 - Samburu

⁶ niponikiki yielounoto e rerei le Nkai nkubooroto e koon, niponikiki nkubooroto e koon ng'iriata, niponikiki ng'iriata uriata e Nkai,

2 Petero 1:6 ပူးပေါင်းရင်းမြစ်များ

Luka 21:19

Kore te ng'iriata inchi naa itumtum nkichon nemeiting.

Luka 8:15

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Asat 24:25

Kore elikita ꞉Paulo ninye mbaa naipirita sotua oipida o Nkai o nkiboroto e koon o nkiguana e Nkai nalotu Kenya, neguretu Pelikis nejo, <>

Rroman 15:4

Amu kore pooki naaigeroki apake too Lkigerot naa keigeroki payie eiteng'en iyioo, paa kore te ng'iriata o rreten nikitum too lolo Kigerot, nikimbung siligi lang.

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 8:25

Kake tinikisilig inia nimikidolita, naa ikianyu te ng'iriata.

1 Lkorinto 9:25

Kore pooki ng'ae oyieu payie ekuet neisul, keichiaakino nerretena oleng. Kekuet ninche payie etum ntoki nemebik, kake kore iyioo naa ikikuet payie kitum ntoki nabik ntarasi.

2 Lkorinto 6:4

Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

Lgalatia 5:23

o mborron o nkubooroto e koon. Meatae nkitanapata naibooyo kuna.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

2 Ltesalonike 1:4

Naaku taa, kore iyioo ikilach tankaraki ntae taa nkanisani e Nkai. Amu kore abaki eitami ntae sina oleng niatata sina kitok, naa iatata ng'iriata o nkurukoto.

2 Ltesalonike 3:5

Meteteoki Laitoriani ltauja linchi meteyielo nchaman e Nkai o ng'iriata e Kristo.

1 Timoti 2:10

kake taa asat supati, naairirikino ꞉ntomonok naajo keyanyit Nkai.

1 Timoti 2:2

Kaitaarriyianicho metaasi inia too lkinkii o too lolo pooki otii nkitoria payie kiwueni to mborron o te seriani tee nkichoni ang, kiurie Nkai nikitum nkanyit to ntoki pooki nikias.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Timoti 6:11

Kake kore iyie ltung'ani le Nkai, talama nenia pooki, ninyok aing'oru payie iaku ltung'ani loosipat, neyanyit Nkai, niaku loisiligai niata nchaman o ng'iriata o mborron.

1 Timoti 6:3

Kore tenetii ltung'ani oiteng'enicho nkiteng'ena e sapare nemeiririkino rerei odede la Laitoriani Yeso Kristo o nkiteng'ena naicho Nkai nkanyit,

1 Timoti 6:6

Kake kore tiniyanyit Nkai, nikintiemu inia niata nimiata lderro, naa inia dupoto sapuk.

2 Timoti 3:5

Neitaakino keurie Nkai kake neany eiruk aajo keidim uriata e Nkai aitabai mbaa. Talama ltung'ana ootuwuana lolo!

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Tito 1:8

Meata ajo mera ltung'ani oitoomonicho, necham mbaa supati, neibooyo koon.

Tito 2:2

intaarriyian lpayiani arrarrin metaa looiririki mbaa, neiririkino nkanyit, netem mbaa, neichiaari mbaa to nkurukoto o te nchaman neata ng'iriata nairirikino.

Lburania 10:36

Keyiere ning'iriri payie itumtum aataas yieunoto e Nkai, nitumtum inia naitayia Nkai lekutuk ajo keicho ntae.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Lburania 6:12

Mikiyieu niakuku ltung'ana oaachal, kake ikiyieu payie iduaayaya lolo laa kore to nkurukoto o te ng'iriata, naa ketum inia naitayia ꞉Nkai lekutuk ajo keicho ninche.

Lburania 6:15

Neanyu Abraam te ng'iriata, netum inia naitaka ꞉Nkai lekutuk ajo kaicho.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 13:10

Kore tanaa keatae looibung'i aaya jila, nchoo ake eibung'i aaya jila. Naa tanaa keatae lori metua ta lalem, neri ake metua ta lalem. Naaku keyiere payie eng'iri ltung'ana le Nkai neaku looisiligai.

Mbolunoto 14:12

Naaku keyiere payie eng'iri sinyat le Nkai sina oitami, lolo taa ooning nkitanapat e Nkai neibung nkurukoto e Yeso.>>

Mbolunoto 2:2