2 Petero 1:16 - Samburu

¹⁶ Amu mara nkatinin naatamawuaki ta ntakano nikirukurukore apa kimbalakinyie ntae ngolon naata Laitoriani lang Yeso Kristo o neiko ninye tenechukunyie kenya, kake ikira iyioo lootodua sipata e nkitoo enye.

2 Petero 1:16 ပူးပေါင်းရင်းမြစ်များ

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Matayo 16:28

Kedede kajoki ntae, kore atua kulo tung'ana ooitachoo tene, keti ltung'ana lemedol lkiye ewuon eitu edol Nkerai e Ltung'ani elotu te nkitoria enye.>>

Matayo 17:1

Kore payie eich mperot ile neya ꞉Yeso Petero o Yakobo o Yoana, lalache lenye, nerik nkeper e ldonyuo oodo aa ninche aapeny.

Matayo 24:27

Kore ana netiu nkiwuang'ata teneing'uaa nkiliepunoto e ndama neitoong abaki ndoyioroto e ndama, nejia sii kenya etiu lotunoto e Nkerai e Ltung'ani.

Matayo 24:3

Kore ewuon Yeso to Lowua loo Lng'erriyio, nepuonu looiteng'eni aa ninche aapeny netii ninye nejoki, <>

Matayo 28:18

Nelotu Yeso anyikaki ninche, nejoki, <

Marko 13:26

<

Marko 14:62

Nejoki ꞉Yeso, <>

Luka 1:2

ana natamakita iyioo lolo ootoduaa aasipu nenia baa ta ng'asunoto, nera sii laisiaayiak le ilo rerei.

Luka 9:43

Neing'asia pooki oleng payie edol nkitoo e Nkai. Kore ewuon eing'asia pooki taa mbaa naataasa, nejoki ꞉ninye looiteng'eni lenyena,

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 17:2

ana ninchoo ninye meitoria ltung'ana pooki, payie etum aichoo lolo pooki linchoo nkichon nemeiting.

Rroman 1:4

kake kore ta Ltau lenye le sinyaticho, neitodoluni to ngolon aajo kera Nkerai e Nkai payie eitipiuni taatua lootuata. Kore lolo omon naa Yeso Kristo Laitoriani lang eipirita.

1 Lkorinto 1:17

Neitu dei apa aairriu nanu Kristo mayeu aipatis ltung'ana, kake kaairriwuayie matilikoi Lomon Supati namara te njartano e ltung'ani payie meaku pecheu etua Kristo to lmusalaba.

1 Lkorinto 1:23

Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi.

1 Lkorinto 1:7

Naaku milauu hoo nkichooroto nabo naicho ntae Ltau Sinyati ianyutata meibalunyieki Laitoriani lang Yeso Kristo tenechukunye kenya.

1 Lkorinto 2:1

Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

1 Lkorinto 5:4

Kore tinitumomo tenebo ta nkarna e Yeso netii sii ltau lai o ngolon e Laitoriani Yeso tenebo o ntae,

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Lpilipi 3:21

Naa keibelekeny seseni lang oaachal nemutari, metutuwuana sesen lenye le nkitoo, te inia golon enye naidimie ninye metipika ntokitin pooki taabori nkitoria enye.

1 Ltesalonike 2:19

Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae?

2 Ltesalonike 2:9

Kore ilo aitarruoni naa kelotu to ngolon e Chitani, neas mbaa kutuaa o asat naitodolu nkitoo o mbaa e nking'asia e sapare

1 Timoti 1:4

anaa ejing atua natinin o mbaa naaipirita lmakui nemeata nkiting'oto. Kore nenia atinin o nenia baa, naa keyau nkipara nemeata tipat, alang teneyau nkiteng'ena e Nkai nayielouni to nkurukoto.

1 Timoti 4:7

Tapaachere nenia atinin nemeitaa Nkai toki nemeata tipat, kake nteng'ena koon payie iaku ltung'ani ourie Nkai.

Tito 1:14

nemeitoki aairukurukore nkatinin ee Lyiaudi anaa nkitanapat ee ltung'ana ooibelekenyete aaing'uaa ndedei.

2 Petero 2:3

Kore to luboi enche, nenyok aaitorogony ntae taa natinin nemeti sipata aayayie ntae ropiyiani. Kake keanyita ake ninche ꞉nkiguana natudung'oka apa Nkai, nelotuta mutai enche.

1 Yoana 4:14

Naa ikitodua nikilimu aajo keterewua Papa Nkerai enye metaa Laitejeunoni le nkop.

Yuda 1:14

Kore apa Enok, ilo laa le ntowuo e sapa ta Adam, naa keibonua mbaa naaipirita tung'ana laijo kulo ejo, <

Mbolunoto 1:7

Ng'ura! Kelotu tee nkidisin, naa kedol ꞉nkong'u pooki ninye, abaki lolo apa ooteremo, naa keichir ltung'ana pooki le nkop tankaraki ninye. Ee keaku nejia!