2 Ltesalonike 3:6 - Samburu

⁶ Lalachera o nkanachera, ikintaarriyian ntae ta nkarna e Laitoriani lang Yeso Kristo, payie ipaacherere pooki alache lemeyieu neas siaai, nemeirukurukore nkitaarriyiana nitang'amaitie tee iyioo.

2 Ltesalonike 3:6 ပူးပေါင်းရင်းမြစ်များ

Matayo 18:17

Teneany ening ninche, tiliki nkanisa, naa tenemening abaki nkanisa, nchoo eaku te iyie ana ltung'ani loo loreren lemeyielo Nkai anaa laitalakunoni le kodi.

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

1 Lkorinto 11:2

Kaichoo ntae rrepet tankaraki nikiparrurru chiaake, nimbung'utata inia kiteng'ena ana naitarasaka apa ntae.

1 Lkorinto 5:4

Kore tinitumomo tenebo ta nkarna e Yeso netii sii ltau lai o ngolon e Laitoriani Yeso tenebo o ntae,

1 Lkorinto 5:9

Kaitaarriyiana apa ntae ta mpalai naigeroka ntae payie miatata nchula o ltung'ana oaas mboita e sesen nemechiaakino.

2 Lkorinto 2:10

Kore pooki ng'ae lipalikiki ntorrok naataasa naa katapalika sii nanu. Amu kore inia natapalika tanaa keatae sa ntoki nayiari napaliki, natapalika tekue Kristo tankaraki ntae,

Epeso 4:17

Naaku kajoki ntae ana, naitarrap ntae ta nkarna e Laitoriani, nchere payie mintokiki katukul aawueni ana neiko loreren lemeyielo Nkai ooirukurukore mparrunot enche e pecheu.

Lkolosae 3:17

Naa kore pooki niasias, aa taa tee rereii tanaa taa asat, entaas pooki ta nkarna e Laitoriani Yeso, inchocho Nkai Papa nache te ninye.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

1 Ltesalonike 4:11

ninyoknyok aaitirring'a te nkichon inchi, niasias mbaa inchi, niasias sii aitoki siaai linchi to nyuata, tana apa nikintaarriyianakita ntae,

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

2 Ltesalonike 2:15

Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai.

2 Ltesalonike 3:7

Naa iyielolo ana nayiere ninkoko tiniduayaya iyioo, amu eitu apake kintachalio kitii tenebo o ntae.

1 Timoti 5:21

Kaaitanap iyie katukul tekue Nkai o Kristo Yeso o lmalaikani oogeluno, payie iimbung kuna kitanapat, nimidung mbae nimisip, nimiata ngela.

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

2 Timoti 3:5

Neitaakino keurie Nkai kake neany eiruk aajo keidim uriata e Nkai aitabai mbaa. Talama ltung'ana ootuwuana lolo!

2 Timoti 4:1

Kaareki aitaarriyian iyie tekue Nkai o tekue Kristo Yeso, oiguanare looichu o lootuata, o tankaraki nalotu ninye aitoreicho ana Lkinkii, nchere

2 Yoana 1:10

Kore teneatae ltung'ani olotu nitii nemeyau ana kiteng'ena, emintoomon ninye ta nkaji tanaa irorokiki.