2 Ltesalonike 2:8 - Samburu

⁸ Kore inia kata, neibalunyieki laduo aitarruoni, ilo oidakie ꞉Laitoriani Yeso te nkiyeng'ata e nkutuk enye, neichu ninye te nkitoo enye, tenechukunyie.

2 Ltesalonike 2:8 ပူးပေါင်းရင်းမြစ်များ

Matayo 13:19

Kore pooki ng'ae oning lkilikuai le nkitoria, nemening'u, naa kelotu ilo torno aisimarie inia apa natuunoki taatua ltau lenye. Naaku kore ilo lemening'u, ninye inia oitiei duo natodoka lantarara.

Matayo 13:38

Kore lchampa naa ana kop, kore lantarara supati naa nkera e nkitoria, kore ndeti naa nkera e ilo aitarruoni.

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Matayo 16:28

Kedede kajoki ntae, kore atua kulo tung'ana ooitachoo tene, keti ltung'ana lemedol lkiye ewuon eitu edol Nkerai e Ltung'ani elotu te nkitoria enye.>>

1 Lkorinto 1:28

Etegelua ꞉Nkai ltung'ana lemeiken nkop aitaa toki o loomenari, payie eitodou aitaa meitoki inia nailiepie nkop.

2 Ltesalonike 2:3

Emincho metaa keatae ntoki nasapie ntae ltung'ani, amu melotu inia parri ewuon eitu ebau ang'as nkata e nkibooroto kitok ee mbaa e Nkai, neibalunyieki ilo aitarruoni oikenakaki mutai.

1 Timoti 6:14

payie iimbung ana kitanapata meti rachata nemeti ng'orikinoto, ana metelioii Laitoriani lang Yeso Kristo tenechukunyie,

2 Timoti 1:10

kake /keibalunyieki taata, payie elotu Laitejeunoni lang Kristo Yeso nkop, nemir lkiye, neibalunyie ninye too Lomon Supati nchere, ikinchu ntarasi, nimikiye aikata.

2 Timoti 4:1

Kaareki aitaarriyian iyie tekue Nkai o tekue Kristo Yeso, oiguanare looichu o lootuata, o tankaraki nalotu ninye aitoreicho ana Lkinkii, nchere

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Lburania 10:27

Kore natiu naa nkiguana o nkima napi namut lolo mang'ati le Nkai kianyuta te ngureticho.

1 Yoana 2:13

Naigeroki ntae loo papa, amu iyielolo ntae ilo otii apake ta ng'asunoto. Naigeroki sii ntae lbarnot, amu itimira ilo torno. Naigeroki ntae nkera, amu iteyieloutua ntae Papa.

1 Yoana 3:12

nimikiaku ana Kain oara le Chitani near lalache lenye metua. Naa amaa, aanyo payie etara ninye metua? Tankaraki kore asat enyena naa keitorrok, kake kore asat e lalache lenye naa neesipat.

1 Yoana 5:18

Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye.

Mbolunoto 1:16

Neibung'uta ta nkaina enye e tetene lakir sapa, nepuku lalem opi mbat pukura are to nkutuk enye. Neilu nkomom enye ana ndama nailu oleng.

Mbolunoto 13:5

Neichori inia ng'ues torno ngolon metobolo nkutuk airo rereii le nkilacha nedek Nkai. Neichori aitoki metaasichere nkitoria taa lapatin 42.

Mbolunoto 19:15

Neimu nkutuk enye lalem opi laa ninye earie lochon. Keitore ꞉ninye ninche to sobua e senkei, naa keruko lodo ana naruko nkare ee lng'anayio lo lmusabibu teneironyi, eitodolu inia ngoro e Nkai Napeny ngolon.

Mbolunoto 2:16

Erriidu naa ng'ok inchi, amu tinimirriididu kalotu nitii asieku, narare lolo oaata inia kiteng'ena te ilo alem opuku to nkutuk ai.

Mbolunoto 20:10

Kore Chitani natasapa ninche, nenang'akini lmoti le nkima oilu to ntoki naji salpa, inie apa netanang'akaki ng'ues torno o loiboni le sapare. Naa keitemei kuarie o parkiji ntarasi o ntarasi.