2 Ltesalonike 2:3 - Samburu

³ Emincho metaa keatae ntoki nasapie ntae ltung'ani, amu melotu inia parri ewuon eitu ebau ang'as nkata e nkibooroto kitok ee mbaa e Nkai, neibalunyieki ilo aitarruoni oikenakaki mutai.

2 Ltesalonike 2:3 ပူးပေါင်းရင်းမြစ်များ

Yoana 17:12

Kore apa ewuon atii nanu tenebo o ninche natirripo ninche taatua nkarna ino, inia arna nikinchoo. Katirripo ninche, nemeatae hoo lobo oimina mara ake ilo tung'ani ogelakino nkiminata, payie ebaya lkigerot.

1 Lkorinto 6:9

Aa miyielolo ntae aajo metum ltorrok nkitoria e Nkai? Emincho esapi ntae amu kore lolo oaas mboita e sesen nemeichiaakino tanaa loasai nkaitok e sapare tanaa loaas loloito tanaa lewa ooboitiere lewa te sesen,

Epeso 5:6

Emincho hoo esap ntae ltung'ani tee rereii oorok, amu tankaraki ee mbaa naijo kuna etum ꞉ngoro e Nkai ltung'ana lemening'icho.

1 Yoana 2:18

Nakera, etaa nkata e nkiting'oto ana, naa kore ana nitining'o aajo kore ilo oiba Kristo naa kelotuta, eidipa naa taata lkumo ooiba Kristo aaotu. Naa ana oitiei kiteyielounyie aajo ketaa nkata e nkiting'oto.

1 Yoana 4:3

naa kore ilo pooki lemeibalunyie Yeso naa mara le Nkai. Kore ele tau naa le ilo oiba Kristo, litining'o apake aajo kelotu, naa keti abaki taata nkop.

Mbolunoto 17:11

Kore inia ng'ues torno naichu apa ang'as tekue, naa ninye lkinkii le isiet oirukurukore laaduo kinkii sapa, naa keidakieki sii ninye.

Mbolunoto 17:8

Kore inia ng'ues nitoduaa, keichu apa kake merekure taata eichu. Ketaa payie eiliepu to lodo le nkop nelo meidakieki katukul. Naa kore ltung'ana pooki oaamanya nkop, lolo leitu eigeri nkarn enche to mbuku e nkichui ee ntarasi apake payie eitamanyuni nkop, neing'asia tenedol inia ng'ues torno amu keichu apa ang'as nemerekure eichu taata, kake keitoki alotu.