2 Ltesalonike 2:16 - Samburu

¹⁶ Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

2 Ltesalonike 2:16 ပူးပေါင်းရင်းမြစ်များ

Luka 16:25

Kake nejoki ꞉Abraam ninye,

Yoana 13:1

Kore ewuon eng'or ntasim e Pasaka, keteyielo Yeso ajo ketabawua saa enye payie eing'uaa ana kop nelo netii Papa lenye. Naa kore tankaraki nacham ꞉Yeso lolo lenyena tana kop, neitodol nchaman ana metua.

Yoana 15:13

Meatae nchaman nalang no ltung'ani oitai nkichui enye, tankaraki sotuatin lenyena.

Yoana 15:9

Kore ana naatachama nanu Papa, nejia sii etiu nchaman ai taa ntae. Entewueni naa taatua nchaman ai.

Yoana 16:22

Nchi naa abaki itiuu ntae, isinaniono taata kake kaitoki adol ntae, neng'ida ltauja linchi. Kore inia ng'ida nitumutum, meatae looru ntae.

Yoana 3:16

Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Yoana 4:14

kake kore pooki ng'ae omat inia are naicho kenya, nemetiru ꞉nkure aikata. Neaku inia are kenya naicho ninye lchoro oijirrijirru taatua ninye, neicho nkichon ee ntarasi.>>

Asat 15:11

Mara nejia! Ikiruk iyioo aajo kore munyani e Laitoriani Yeso, naa ninye eitejeunyieki iyioo, naa ninye sii eitejeunyieki ninche.>>

Asat 18:27

Kore payie ening lolo ooiruko Kristo aajo keyieu Apolos nelo Akayia, neretoo inia duaata enye, neigeroki looiteng'eni ootii inie mpalai payie eng'amaa ninye. Kore payie ebaya inie, nenyok aretu te munyani e Nkai lolo ooiruko Yeso.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Rroman 4:16

Naaku nkurukoto naa ake eitacheyie lekutuk, payie eaku munyani e Nkai eirichakino, netum pooki ng'ae oata nkurukoto natuwuana naa Abraam sipata ajo ketum ilo lekutuk, namara te ilo apeny ooibung Nkitanapat, kake te ilo sii oiruk ana Abraam. Kera ninye papa loo iyioo pooki ooiruk,

Rroman 4:4

Kore to ltung'ani oas siaai, meikeni laata enye aajo keing'errokaki, kake keikeni aajo ntoki naichiaakino ninye.

Rroman 5:8

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Epeso 5:25

Kore ntae lpayiani, entacham ntomonok inchi ana nacham Kristo nkanisa neichooyo koon anang ninye,

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

1 Ltesalonike 1:3

Kore tekue Nkai Papa lang naa ikiparru nkata pooki inia asata nitaasa to nkurukoto o siaai ogol litonyuaa aas tankaraki nchaman o ninkoko tining'iriri ipikpik siligi linchi atua Laitoriani Yeso Kristo.

1 Ltesalonike 3:11

Kore taata, naa metuutaki iyioo Nkai ang Papa koon o Laitoriani lang Yeso nkoitiei nikipuonunyie nitii.

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Lburania 7:19

Nemeitoki eitaa ꞉nkitanapat metaa meata ntioto, kake keichooki taata iyioo siligi oikach laa ninye kinyikakinyie Nkai.

1 Yoana 3:16

Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,

Mbolunoto 22:5

Nemeatae kuarie te inie, nemeyieu ꞉ninche wong'an e ltaa tanaa ne ndama, amu Laitoriani Nkai oaku wong'an enche. Naa keitoreicho ninche ntarasi o ntarasi.

Mbolunoto 3:9

Ng'ura, kore lbata loo lolo le sinagogi e Chitani, lolo oojo kera lgelunot le Nkai namara, kake kesapicho ake, kareu meotu aairrigokino nkejek inchi. Naa kepuo aayielou aajo kacham ntae.