2 Ltesalonike 2:10 - Samburu

¹⁰ o sapare pooki e ntorroni too lolo ooidaari te nkiminata, amu ketanya echamaa ndedei payie eitejeuni.

2 Ltesalonike 2:10 ပူးပေါင်းရင်းမြစ်များ

Matayo 13:11

Newoliki ꞉Yeso ninche ajoki, <

Yoana 3:17

Amu eitu eirriu ꞉Nkai Nkerai enye nkop meiguanare nkop, kake payie etum nkop atejeunyie ninye.

Yoana 5:34

Naa mara ake limunoto e ltung'ani ang'amaa, kake kaitaparruta ntae inia natejo Yoana, payie ijeuu.

Rroman 10:1

Lalachera o nkanachera, kore nayieu oleng taatua ltau lai, naomon Nkai tankaraki ltung'ana lang loo Lyiaudi, naa payie eitejeuni.

Rroman 16:18

Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

1 Lkorinto 1:18

Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai.

1 Lkorinto 16:22

Kore ltung'ani pooki lemecham Laitoriani, enchoo eaku lodiaa! Laitoriani lang, wou!

2 Lkorinto 11:13

Kore ltung'ana laijo lolo, naa lkipaareta le sapare ninche, nera laisiaayiak oasapicho, nera ltung'ana ooibelekeny ate aaitaakino lkipaareta le Kristo.

2 Lkorinto 11:15

Naaku meing'asicho sii teneibelekeny laisiaayiak lenyena ate aaitaakino laisiaayiak le sipata e Nkai. Kore kenya tesiedi kelaakini ninche nairirikino asat enche.

2 Lkorinto 2:15

Amu keitorropil iyioo Kristo tekue Nkai. Ikirropil kitii atua lolo ooitejeuni, nikisamis taatua lolo ooidaaya.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

1 Ltesalonike 2:16

amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.

2 Ltesalonike 2:12

Naaku, kore leitu eiruk ndedei nechamaa nkoitiei torno, naa kedung'okini nkiguana torno.

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

1 Timoti 2:4

ilo oyieu ninye payie ejeu ltung'ana pooki neyielou ndedei.

Lburania 3:13

Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki.

2 Petero 2:12

Kedekicho kulo tung'ana taa mbaa nemeyielo. Naaku inji ake etuwuana ninche ana ng'uesi naatiwuaki ake payie eibung'i neri metuata, nemeitoki eparraa kake kemuso ake apeny. Kore ana naar ltung'ana ng'uesi metuata, kemut Nkai kulo tung'ana.

2 Petero 2:18

Amu kore lolo tung'ana eimer too lomon lemeitoki, neirukurukore ng'uarrat e mpukunoto torno e ltung'ani, nesapaa lolo oaataa keilany ltung'ana oaas ntorrok metaasa mbaa e anyit.