2 Ltesalonike 1:3 - Samburu

³ Lalachera o nkanachera, keyiere nikincho Nkai nache nkata pooki ana naichiaakino tankaraki ntae, amu kebuluta nkurukoto inchi oleng. Kore sii nchaman niatata likae o likae, naa keponari taatua ntae pooki, paa meatae lobo linchi lemebakita.

2 Ltesalonike 1:3 ပူးပေါင်းရင်းမြစ်များ

Luka 15:32

Kake keiririkino payie ikinya sukukuu niking'ida tankaraki kore ele alache lino naa ketua apa neitoki apiu, naa keimina apa neitokini aatum.> >>

Luka 17:5

Nejoki ꞉Lkipaareta Laitoriani, <>

Yoana 15:2

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Rroman 1:8

Kore nekue, naa karrinyoki Nkai ai nache ta nkarna e Yeso Kristo tankaraki ntae pooki, amu kelikoritae nkurukoto inchi to nkop pooki.

1 Lkorinto 1:4

Kaicho chiaake Nkai ai nache tankaraki ntae amu keichoo ninye ntae munyani itii atua Kristo Yeso.

2 Lkorinto 10:15

Mikinkarrie iyioo siaai ootonyuaa lkulie aas, kake kore siligi lang naa nchere kore ebulu nkurukoto inchi, neilepu nkitoo ang neichori iyioo nkanyit alang apake tekue, nemerepaa naichiaakino iyioo.

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

Lpilipi 1:7

Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.

Lpilipi 1:9

Kaomonoki ntae metoponunye nchaman inchi aaku kitok oleng ining'ung'u nitemtem mbaa pooki.

1 Ltesalonike 3:12

Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae,

1 Ltesalonike 3:6

Kake kore naa amu eyewuo taata Timoti nikitii eing'uaa nitii, neyaka iyioo lomon supati ooipirita nkurukoto o nchaman inchi, neitoki alimu nchere iparrurru chiaake iyioo to supaticho, iyieuu nidoldol iyioo oleng ana nikiyieu sii iyioo nikidol ntae.

1 Ltesalonike 3:9

Nyo sa kirrinyokinyie Nkai nache te inia ng'ida pooki nikiaata tekue ninye tankaraki ntae?

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

2 Ltesalonike 2:1

Lalachera o nkanachera, kore naipirita nchukunoto e Laitoriani lang Yeso Kristo o neikoni teneiturrurri iyioo mataa tenebo o ninye, naa ikilej ntae

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

2 Petero 1:13

Naa kajo keichiaakino payie ainyoyie ntae aitaparru kuna baa ewuon aichu,

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.