2 Lkorinto 9:5 - Samburu

⁵ Naaku inia payie adol nanu ajo keichiaakino payie aomon kulo alachera metang'asa aaisabaki ntae ewuon eitu alotu nanu. Naa siaai lenche payie eitabaya ilo lekutuk loo nkichoorot nintaitua, metaa kore tanalotu neidipaki aatobosu nenia kichoorot pooki, namara te mpiani kake te leng'on.

2 Lkorinto 9:5 ပူးပေါင်းရင်းမြစ်များ

1 Lkorinto 16:2

Kore ta mparri e Jumapili, kayieu neiwuang'ie ltung'ani pooki aiteng'el nkuti ropiyiani te risioroto ee ropiyiani naatang'amayie, paa kore tanabau naaku indipa aaiturrurru nenia ropiyiani.

2 Lkorinto 8:6

Nikiroyie taa aitaarriyian Tito, payie eidip ele siaai le nchaman oatang'asua apa taatua ntae.

2 Lkorinto 9:3

Kore naa taata, kareuu kulo alachera payie meaku ake pecheu rrepeta nikiterrepa ntae, enterretenata naa amu katiaka ltung'ana le Makedonia indipa aaterretenata.

2 Lkorinto 9:6

Entaparru nchere, kore loun lkuni antarara nedung nkini daa, naa kore loun lantarara kumo nedung ndaa kitok.

Lpilipi 4:17

Namara taa nkichoorot ayieita, kake kayieu payie ing'amaa mayianat naatum ꞉ilo oichooyo.