2 Lkorinto 8:6 - Samburu

⁶ Nikiroyie taa aitaarriyian Tito, payie eidip ele siaai le nchaman oatang'asua apa taatua ntae.

2 Lkorinto 8:6 ပူးပေါင်းရင်းမြစ်များ

Asat 24:17

<

Rroman 15:25

Kake kore taata, kaloito Yerusalem ayaki sinyat le Nkai otii inie, nkichoorot naaretieki.

2 Lkorinto 12:18

Katoomono Tito meeu nitii, naitoki airriu ilo likae alache obo meeu tenebo o ninye. Amaa keitamaaya apa ntae Tito? Nabo chiaake kira o ninye, nikiim sii nkoitiei nabo.

2 Lkorinto 2:13

kake nanyamalu oleng ta ltau lai tankaraki neitu ebau lalache lai Tito oata lomon linchi. Naicho taa ltung'ana lesere te inie, nainyuototo alo Makedonia.

2 Lkorinto 8:10

Ana nduata ai tana bae! Kore te elde ari apa oichunye, naa mara ake itang'asutua aaret sinyat le Nkai, kake ntae lekue oaata yieuna niasiesie inia. Naaku entonyok naa taata endipa ilo siaai metaa kore napa yieuna niatata, nintabayaya te nkiririkinoto ee ntokitin niatata.

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

2 Lkorinto 8:23

Kore Tito naa lboitiei lai likiasicho tenebo aaret ntae, naa kore lolo kulikae alachera naa nkanisani naatereutua, neyaki sii Kristo nkanyit.

2 Lkorinto 8:4

neitirrichaki iyioo aomonu mpaach naretie sinyat le Nkai otii Yerusalem.

2 Lkorinto 9:5

Naaku inia payie adol nanu ajo keichiaakino payie aomon kulo alachera metang'asa aaisabaki ntae ewuon eitu alotu nanu. Naa siaai lenche payie eitabaya ilo lekutuk loo nkichoorot nintaitua, metaa kore tanalotu neidipaki aatobosu nenia kichoorot pooki, namara te mpiani kake te leng'on.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

1 Petero 4:10

Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo.