2 Lkorinto 8:23 - Samburu

²³ Kore Tito naa lboitiei lai likiasicho tenebo aaret ntae, naa kore lolo kulikae alachera naa nkanisani naatereutua, neyaki sii Kristo nkanyit.

2 Lkorinto 8:23 ပူးပေါင်းရင်းမြစ်များ

Luka 5:10

Neing'asiate abaki oleng Yakobo o Yoana, lolo ayiok le Sebedayo oaara lboitieii le Simon. Nejoki ꞉Yeso Simon, <>

Luka 5:7

Neroju lboitieii lenche ootii meli e are meotu aaret. Nepuonu, neiput melin pukura are sinkirri metaa keimis.

Yoana 13:16

Kajoki ntae sipata nadede, meatae rrindik oara kitok alang lkitok lenye, nemeatae sii lkipaaret oara kitok alang ilo oipaayie ninye.

1 Lkorinto 11:7

Meichiaakino payie eisiap lpayian nkue teneomon tanaa teneibonicho, amu keitayia Nkai ninye metutuwuana ana ninye neyaki Nkai nkanyit, neitayiaki ntomononi payie eyaki lpayian lenye nkanyit.

2 Lkorinto 12:18

Katoomono Tito meeu nitii, naitoki airriu ilo likae alache obo meeu tenebo o ninye. Amaa keitamaaya apa ntae Tito? Nabo chiaake kira o ninye, nikiim sii nkoitiei nabo.

2 Lkorinto 7:6

Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

2 Lkorinto 8:16

Kaicho Nkai nache natipika ltau le Tito yieuna naretie ntae ana naata chiaake nanu.

2 Lkorinto 8:18

Naaku ikireuta likae alache tenebo o ninye, orrepitae taa nkanisani pooki tankaraki siaai loo Lomon Supati oaasita.

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

2 Lkorinto 8:22

Kore sii aitoki ikireuta likae alache lang tenebo o ninche, likitisiputua too nkoitieii kumo o taa nkatitin kumo aajo keata yieuna naasie siaai e Nkai. Nelus naa taata tankaraki keata siligi kitok taa ntae.

2 Lkorinto 8:6

Nikiroyie taa aitaarriyian Tito, payie eidip ele siaai le nchaman oatang'asua apa taatua ntae.

Lpilipi 2:25

Ikirriwakita apa ꞉ntae lalache lai Epapiroditas, ilo oataasa siaai e Nkai tenebo o nanu nikitama larrabal tenebo kira sikarini le Kristo, naaku kaatereto tee nenia nayieu. Nadol ajo keichiaakino tanairruaki ntae

Lpilipi 4:3

Kore sii iyie sotua lai odede laasichere, kaamon teretu kuna tomonok metining'oto. Ketonyua aaitubulaa Lomon Supati le Nkai tenebo o nanu o Kilement o lkulie aisiaayiak likiasicho tenebo, ootii nkarn enche mbuku e nkichui.

Lkolosae 1:7

Niteyieloutua nenia baa aimu Epaparas, ilo likiasicho tenebo nikicham, nera laisiaayiani oisiligai oisiaai Kristo ta mpaach ang,

1 Ltesalonike 2:2

Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng.

2 Timoti 4:10

Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

Tito 1:4

Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.

Pilemon 1:17

Naa kore tanaa ikimbung nanu tana lboitiei lino, tang'amai sii ninye ana nikinko duo tiniking'amaa nanu.

Pilemon 1:24

Nikiroroki sii ꞉Marko o Arisitarko o Demas o Luka oaara laisiaayiak tenebo o nanu.

3 Yoana 1:8

Naaku keichiaakino payie kiretore ltung'ana laijo kulo, payie kias siaai tenebo taatua ndedei.