2 Lkorinto 8:19 - Samburu

¹⁹ Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

2 Lkorinto 8:19 ပူးပေါင်းရင်းမြစ်များ

Asat 14:23

Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 15:22

Kore lolo kipaareta o larikok, neng'amaa tenebo o nkanisa pooki payie eirruaaya lkulie lewa lenche Antiok tenebo o Paulo o Barnabas. Naa kore lolo lewa ootegeluaki naa Yudas ooitokini aajo Barsabas o Silas oaara larikok taatua lolo ooiruko Kristo.

Asat 15:25

Naaku ikitachamaitie iyioo tanaboicho aagelu Yuda o Silas nikireuu meotu nitii tenebo o lolo alachera lang likicham, aa Barnabas o Paulo,

Asat 19:22

Nereu Timoti o Erasito oara laretok lenyena oare nkop e Makedonia, nebik ninye peneu te inia kop e Asia.

Asat 19:29

Neing'olng'ola ilo kerenket pooki, nejo lolo tung'ana dii aakuetiki inie netumoreki, neibung Gayo o Arisitarko ltung'ana le Makedonia ooirukurukore apa Paulo to lototo enye.

Rroman 5:11

Namara inia ake, kake iking'idare oleng sotua likiata o Nkai tankaraki nayewua taata Laitoriani lang Yeso Kristo melet.

Rroman 5:3

Kore nalang inia, naa iking'ida abaki kitii nkiji ee sinaitin, amu ikiyielo nchere tinikiata sina nikiyielou aating'iria,

2 Lkorinto 4:15

Kore kuna pooki naatumuto iyioo naa keasai payie eret ntae metaa kore ebulaa munyani e Nkai, neponunye ꞉ltung'ana ooicho Nkai nache netum ninye nkisisa te inia.

2 Lkorinto 8:12

Kore tanaa keichooyo ltung'ani ta ltau supat, naaku keng'amaroi inia kichooroto enye teneitai te nkiririkinoto e inia naata, namara te nkiririkinoto e inia nemeata.

2 Lkorinto 8:20

Ikitaasa ana payie metum hoo iyioo kusaka tankaraki nikinko tiniking'or kuna kichoorot naitaitua lalachera o nkanachera te leng'on.

2 Lkorinto 9:2

Amu kayielo ajo iyieuu oleng payie iretret ninche, naa tankaraki inia payie arrep ntae tekue ltung'ana le Makedonia ajoki, <> Naa nyuata inchi nainyoyie ltung'ana kumo le Makedonia metaasa inia.

2 Lkorinto 9:8

Naa keidim Nkai aichoo ntae munyani pooki nalang inia niyieuu, paa kore taa mbaa pooki nkata pooki, naaku iatata inia naitiemu ntae katukul, niatata nalekunye nindimdim aataasie siaai pooki supat.