2 Lkorinto 7:7 - Samburu

⁷ Namara taa ake lotunoto enye apeny naitogolo ltauja lang, kake ikitogolito abaki payie kining aajo intogolito ntae ninye. Ketilika ninye iyioo ajoki iyieuu nikidoldol oleng o ninkuna tinisinanienio oleng o ninkuna inyoknyok aas nenia natiaka ntae. Nang'ida oleng tankaraki inia.

2 Lkorinto 7:7 ပူးပေါင်းရင်းမြစ်များ

Matayo 26:75

Neparru Petero ilo rerei apa oiroro Yeso nchere, <> Neipung aulo, neichir te mion.

Matayo 5:4

Emayiana lolo ooichir, amu keitigiri ninche.

Luka 22:44

Naa kore amu kewuon eata mion kitok, neomon oleng. Kore nkinyinyiret enye netuwuanai ana lodo eitong adoki nkop.

Asat 11:23

Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

Rroman 1:12

Kore najoito naa ana, nchere kayieu nalotu inie nitii payie kitum aitogoloto to nkurukoto niking'ar tenebo, aitogol nanu ntae to nkurukoto ai, nikintogolgol sii ntae nanu te ninchi.

1 Lkorinto 5:2

Eji ilachlach ntae, kake keyiere apa nisinanionio nintaii aaitung'aa nchula inchi ilo tung'ani oataasa ana.

2 Lkorinto 1:14

Kebaki naa mining'ung'u mbaa pooki taata, kake kaisilig ajo ining'ung'u katukul mparri nabo. Kore ta mparri e Laitoriani lang Yeso Kristo, ing'idakinono ntae iyioo niking'idakino sii iyioo ntae.

2 Lkorinto 1:4

Ninye oitogol iyioo te sina pooki likiata, payie kitum sii aaitogolo lkulie teneimaa sina oje, te inia rreten naterretenie iyioo.

2 Lkorinto 2:9

Kaigeroka apa ntae payie atum atisipu nkitachoto inchi, nayielou tanaa ikiningining menya ajo nyo ajoki ntae.

2 Lkorinto 5:2

Kore ewuon kiata ele sesen ikinchir kiyieu payie eichopokini iyioo ilo sesen le chumata.

2 Lkorinto 7:6

Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

2 Lkorinto 7:8

Kore abaki tanaa keitanyamala ntae inia palai ai, majo hoo taata aanyo apake payie aigero. Katang'asa apa ajo aanyo payie aigero inia palai, payie adol ajo keitanyamala ntae te nkiti kata,

2 Lkorinto 8:16

Kaicho Nkai nache natipika ltau le Tito yieuna naretie ntae ana naata chiaake nanu.

Lpilipi 1:20

Kore ntoki naanyuta naisiliguta sii oleng naa payie meatae ntoki naanyayie ꞉anyit. Naisilig ana chiaake naas maata ngureticho katukul ajo, kore to pooki naasai te sesen lai, o aichu o atua, netum Kristo rrepeta.

Lkolosae 2:5

Kore abaki matii nanu tenebo o ntae te sesen, katii tenebo o ntae ta ltau, ang'ida tanadol ntae intachoo to nkurukoto nadupa taatua Kristo.

1 Ltesalonike 3:6

Kake kore naa amu eyewuo taata Timoti nikitii eing'uaa nitii, neyaka iyioo lomon supati ooipirita nkurukoto o nchaman inchi, neitoki alimu nchere iparrurru chiaake iyioo to supaticho, iyieuu nidoldol iyioo oleng ana nikiyieu sii iyioo nikidol ntae.

1 Ltesalonike 3:8

Naa ikitopuaa taata kining'ito aajo intachoo aaipidaki taatua Laitoriani.

Lburania 2:1

Kore tankaraki inia, keyiere nikimbung aaitirrichaki inia nikitining'o payie meiwuang'ieki ake neitopong'ori iyioo.

Yakobo 5:17

Kore apa Elija naa ltung'ani otuwuana ake iyioo, neomon ninye oleng payie mecha nchan, naaku eitu echa nchan to nkop larin okuni o lapatin ile.

2 Yoana 1:4

Kating'ide oleng payie atum mbata ee nkera inono eirukurukore ndedei, ana apa naitaarriyianaka iyioo Papa.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.