2 Lkorinto 7:6 - Samburu

⁶ Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

2 Lkorinto 7:6 ပူးပေါင်းရင်းမြစ်များ

Matayo 5:4

Emayiana lolo ooichir, amu keitigiri ninche.

Yoana 14:16

naa kaomon Papa meichoo ntae likae Aretoni, neicho metaa tenebo o ntae ntarasi.

Rroman 15:5

Meichoo ntae Nkai naa ninye eing'uaa ng'iriata o rreten entum mparrunoto nabo ana inia naata Kristo Yeso,

2 Lkorinto 7:13

Keitogolo iyioo inia ltauja. Namara ake apeny keitogolo iyioo, kake ikiting'idate oleng tankaraki ng'ida e Tito, amu intogolito ntae pooki ninye.

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.

2 Lkorinto 7:7

Namara taa ake lotunoto enye apeny naitogolo ltauja lang, kake ikitogolito abaki payie kining aajo intogolito ntae ninye. Ketilika ninye iyioo ajoki iyieuu nikidoldol oleng o ninkuna tinisinanienio oleng o ninkuna inyoknyok aas nenia natiaka ntae. Nang'ida oleng tankaraki inia.

Lpilipi 2:1

Kore tanaa kitogolito tankaraki nikimbung'are Kristo, neitogolo ltauja lang ꞉nchaman enye, nikiata nchula e Ltau Sinyati, nikiata nanai e nkocheke o lng'ur too lkulie,

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.