2 Lkorinto 7:15 - Samburu

¹⁵ Naa keisapuk nchaman enye taa ntae, naleng teneparru ninkuna payie ing'amaa ta nkanyit o te ngureticho niasias ana natiaka ntae.

2 Lkorinto 7:15 ပူးပေါင်းရင်းမြစ်များ

Yoana 16:21

Kore tenesaisai ntomononi, naaku keata mion tankaraki natabawua nkata enye, kake kore payie ejing aji, nerikino naduo mion, neng'ida tankaraki natabawua nkerai nkop.

Asat 16:29

Neipotu lkilang'ilang'eta, nekuetiki atua ilo gilata le jila nerriakino tekue nkejek e Paulo o Silas eikirikira.

1 Lkorinto 2:3

Kayewuo nanu nitii achal naikirikira tankaraki ngureticho.

2 Lkorinto 2:9

Kaigeroka apa ntae payie atum atisipu nkitachoto inchi, nayielou tanaa ikiningining menya ajo nyo ajoki ntae.

2 Lkorinto 6:12

Mikimboorita hoo iyioo ntae, kake iking'amaa ntae katukul taa ltauja lang. Kore tanaa keatae looibooricho naa ntae!

Epeso 6:5

Kore aitoki ntae rrindiki, entining lkutuaa linchi to nkop, ta nkanyit kitok o te uriata, aaning katukul ana duaake ninkoko tinining'ining Kristo.

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

Lpilipi 2:12

Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

2 Ltesalonike 3:14

Naa teneatae ltung'ani taa ntae lemening mbaa nikitejo tana palai, enteyielo ilo tung'ani nimibung'arere payie enya ninye anyit.

1 Yoana 3:17

Amaa, tanaa keata ltung'ani ntokitin e ana kop naaichiwue, nemeing'urrie aicho lalache lenye oata sina, kaji eiko nchaman e Nkai tenetii atua ninye?