2 Lkorinto 7:13 - Samburu

¹³ Keitogolo iyioo inia ltauja. Namara ake apeny keitogolo iyioo, kake ikiting'idate oleng tankaraki ng'ida e Tito, amu intogolito ntae pooki ninye.

2 Lkorinto 7:13 ပူးပေါင်းရင်းမြစ်များ

Rroman 12:15

Enting'idata o lolo oong'ida, ninchirchir o lolo ooichirita.

Rroman 15:32

niomonmon payie atum ayeu aata ng'ida echam Nkai, nayeng'iyeng'a tenebo o ntae.

1 Lkorinto 12:26

Kore tenemei rubata nabo e sesen, nemei rubat pooki tenebo o inia, kore payie etum rubata nabo rrepet, neng'ida rubat pooki.

1 Lkorinto 16:13

Entirripicho nintachoo oleng to nkurukoto! Entaa ltung'ana ooirich negol!

1 Lkorinto 16:18

Kaaitogolito ꞉ninche, ana naitogolito sii ꞉ninche ntae. Keichiaakino ltung'ana ootuwuana lolo rrepeta.

2 Lkorinto 2:13

kake nanyamalu oleng ta ltau lai tankaraki neitu ebau lalache lai Tito oata lomon linchi. Naicho taa ltung'ana lesere te inie, nainyuototo alo Makedonia.

2 Lkorinto 2:3

Naaku tankaraki inia payie aigeroka apa ntae ana naigero, amu mayieu apa nalotu inie nitii maaitanyamala ꞉lolo tung'ana ooichiaakino duo naaiting'id, amu kaata sipata naipirita ntae pooki ajo kore ng'ida ai naa ng'ida ee ntae pooki.

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.

2 Lkorinto 7:15

Naa keisapuk nchaman enye taa ntae, naleng teneparru ninkuna payie ing'amaa ta nkanyit o te ngureticho niasias ana natiaka ntae.

2 Lkorinto 7:6

Kake kore Nkai naa ninye naitogol lootigilate ltauja, neitogolo iyioo inia kata apa payie elotu Tito nikitii.

Lpilipi 2:28

Naaku kayieu katukul nairiu ninye nitii, payie itumtum aitoki aating'idata tinidoldol, namaitoki taa anyamalu oleng.

2 Timoti 1:16

Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena,

Pilemon 1:20

Ee lalache, kore taatua Laitoriani, kayieu nikiret taa naaduo baa naimaka. Ntogolo ltau lai taatua Kristo!

Pilemon 1:7

Kore nchaman ino naa kaaiting'ida oleng naaitogol sii, amu keisiate ltauja loo sinyat tankaraki iyie, lalache lai.

1 Petero 3:8

Kaidip ana kitaarriyiana ajoki ntae payie iwuenini pooki inyanya nabo, niatata lng'er, nichamama ana lalachera o nkanachera, nenanaa ntae ochuaa, niborbor.