2 Lkorinto 7:1 - Samburu

¹ Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

2 Lkorinto 7:1 ပူးပေါင်းရင်းမြစ်များ

Matayo 12:33

<

Matayo 5:48

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Matayo 5:8

Emayiana lolo oaata ltauja supati, amu kedol ꞉ninche Nkai.

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

1 Lkorinto 6:20

Keitama ntae Nkai ntoki nagol nemenyieng'unoi, naaku eyanyita ninye tee sesen linchi.

2 Lkorinto 1:20

amu te ninye eitabari lekutukie le Nkai pooki. Naa inia payie kijo te ninye <> payie etum Nkai nkisisa.

Epeso 2:3

Naa nejia sii apake kitiu iyioo pooki kirukurukore nenia ng'uarrat torrok e mpukunoto ang torno, nikintabaya ng'uarrat e sesen o nee mparrunot. Naa kore iyioo ikira ltung'ana ana ake lkulie pooki, ooichiaakino nemut ngoro e Nkai.

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

1 Ltesalonike 4:7

Amu eitu eipot iyioo Nkai payie kiwueni taatua mbaa nemeichiaakino, kake payie ikiwueni taatua sinyaticho.

1 Ltesalonike 5:23

Naa enchoo meitisinya ntae katukul Nkai e sotua makoon. Kore mpukunoto inchi pooki, aa nkiyeng'et o nkichui o seseni linchi, naa enchoo metaa meata ntioto to lotunoto e Laitoriani lang Yeso Kristo.

Lburania 12:23

Niotuo atua ilo turrur ong'ida loo inot le Nkai, ooichiaakino njung'ore e lkikau neigeroki nkarn enche te chumata, o netii Nkai nadung'oki pooki nkiguana, o netii ltauja loo loosipat lemeata ntioto neidipa nkuetata

Lburania 12:28

Naaku kore amu iking'amaa inia kitoria nemeigusugus, maichoo naa Nkai nache. Naa kore kiata nache, maisiaayia ninye to nkoitiei naiting'id ninye, kincho nkanyit nikiurie.

Lburania 4:1

Naa kore ake ewuon etii lekutuk oitaka iyioo ꞉Nkai payie kitum nkiyeng'iyeng'ata enye, matodol ate payie meatae ake taa ntae lolau.

Lburania 6:9

Sotuatin lainien lacham, kore abaki kijoito nchi, ikiata sipata naipirita ntae aajo irara ntae lchampa supat olang ilo, naa itumtum njeunoto.

Yakobo 4:8

Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach.

1 Petero 1:15

Naa kore ana nara ilo oipoto ntae sinyati, naaku naa entaa sii ntae sinyat ta mbaa inchi pooki.

1 Petero 1:17

Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

1 Yoana 1:7

Kake kore tinikitii atua wong'an ana payie etii ninye atua wong'an, naa ikiata nchula maate. Naa kore lodo le Nkerai enye Yeso, neitukoo ng'ok ang pooki.

1 Yoana 1:9

Kore tinikimbalie ng'ok ang, naaku kepaliki ninye iyioo, neitoki aitukoo iyioo ntorroni pooki, amu keisiligai ninye nera lopeny sipat.

1 Yoana 3:3

Naa kore pooki oata ilo siligi te ninye naa keitisiny koon ana payie era ninye sinyati.