2 Lkorinto 6:8 - Samburu

⁸ Ikintodolu naa aajo ikisiaaita Nkai oo eyanyiti iyioo tanaa emeni, oo eitarruorri iyioo nkarn tanaa errepi. Kewaki iyioo ana ltung'ana oasapicho kake nikiro iyioo sipata,

2 Lkorinto 6:8 ပူးပေါင်းရင်းမြစ်များ

Matayo 10:25

Keitiemu loiteng'eni tenetuwuanai laiteng'enani lenye, neitiemu sii laisiaayiani tenetuwuanai lkitok lenye. Amaa tanaa keipoto lopeny nkaji aajo Beelsebul, aa taa lkitok loo lairiruani, kebaa sa ejo lolo le nkaji enye?

Matayo 22:16

Neirruaaya looiteng'eni lenche tenebo o lolo otii mbata e Erode netii Yeso, nejoki, <

Matayo 27:63

nejo, <

Marko 12:14

Kore pee epuonu netii ninye, nejoki, <>

Yoana 7:12

Netii apa inie lturrurri naa kore taatua ninche, neing'unyung'unyita ltung'ana tankaraki Yeso. Keatae loojo, <>, nejo lkulie, <>

Asat 10:22

Nejoki ꞉ninche, <>

Asat 16:39

Nepuonu aaomon ninche mpalikinoto, neipung'ie taatua jila, neomon payie epuo aing'uaa ilo kerenket.

Asat 22:12

<

Asat 24:5

<

Asat 28:22

Kake ikiyieu nikining nijo iyie too kuna baa, amu ikiyielo aajo keiroritae oleng to ng'oji pooki mbaa naarieki ele turrur lena kurukoto.>>

Asat 4:21

Kore payie eidip aaichoo ninche lomon oome, nepalaa mechomo. Nelau neiko teneiteme, amu kore ltung'ana pooki naa keisisita Nkai tankaraki inia nataase.

Asat 5:13

Nemeatae lkulikae ooiruko Yeso ooitieu aatoboitare Lkipaareta, abaki eichorita ꞉ltung'ana ninche nkanyit kitok.

Asat 6:3

Naaku naa lalachera, entegelu taatua ntae lewa sapa liyielolo aajo keipida mbaa nebore Ltau Sinyati o ng'eno, likipik nkaik enche ele siaai.

Rroman 3:8

Kedekita naa iyioo lkulikae aajo, ikijo, <> Naa kedung'oki ninche ꞉Nkai nkiguana naichiaakino.

2 Lkorinto 1:18

Kake kore ana nara Nkai naisiligai, kore tinikiliki ꞉iyioo ntae ntoki naaku nejia.

2 Lkorinto 11:21

Eji mara kadol dei anyit tanaibalie ajo ikichal apa oleng metaa mikindim aataas inia. Kake kore naaitieu lmang'antita lai aikarrie, naa kaitieu abaki nanu. Kore airorita ajo nejia, naa kairorita ana lmadai.

2 Lkorinto 12:16

Kajo ing'amaa naake taata aajo eitu apake aaku nkirochi taa ntae. Kake kejoitoi kore amu kara jartan, naa katipika ntae loseg!

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

1 Ltesalonike 2:3

Kore nkitaarriyiana aang, naa meing'uaa sapare, nemeing'uaa yieunot torrok, nemetii sii loseg.

1 Timoti 3:7

Kake keyiere neata rrepet supat too ltung'ana lamara le nkanisa, payie menya anyit nerriakino rruachet e Chitani.

1 Timoti 4:10

Kore tankaraki inia, ikiasita siaai to nyuata o te nkinyinyiret, amu Nkai naichu etii siligi lang, laa ninye Laitejeunoni loo ltung'ana pooki, neisul too ꞉lolo ooiruk ninye.

Lburania 13:13

Maipung'o naa taatua nchula ee ltung'ana aapuo neti Yeso, niking'iri anyit natama apa ninye,

1 Petero 4:14

Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae.

3 Yoana 1:12

Kerrepita ltung'ana pooki Demeterio, nerrepita abaki ꞉Ndedei koon. Kore abaki iyioo naa ikintaita limunot enyena supati, niyielo sii iyie ajo kore limunoto ang naa kesipa.

Mbolunoto 3:9

Ng'ura, kore lbata loo lolo le sinagogi e Chitani, lolo oojo kera lgelunot le Nkai namara, kake kesapicho ake, kareu meotu aairrigokino nkejek inchi. Naa kepuo aayielou aajo kacham ntae.