2 Lkorinto 6:7 - Samburu

⁷ Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

2 Lkorinto 6:7 ပူးပေါင်းရင်းမြစ်များ

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Asat 11:21

Naa ketii nkaina e Laitoriani tenebo o ninche, neiruk ltung'ana kumo oleng neibelekenyakino Laitoriani.

1 Lkorinto 1:24

Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai.

2 Lkorinto 13:4

Amu kore abaki tanaa te nchalan etechoki Yeso neri metua to lmusalaba, keichu to ngolon e Nkai. Naa iyielouu aajo kore kitii iyioo atua Kristo naa ikichal, kake ikinchu tenebo o ninye to ngolon e Nkai.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Epeso 3:20

Kore ilo oidim ataasa to ngolon enye naasicho taatua iyioo mbaa kutuaa naalang nikindim iyioo aatoomonu tanaa aataparrai,

Epeso 4:21

Itining'o apa lomon lenyena neiteng'enaki ntae mbaa naipirita ninye ana netiu ndedei taatua Yeso.

Lkolosae 1:5

Kore ana, naa tankaraki inia nisiligitata metaa ninchi, neisudokaki ntae te chumata, ana nindipa aatining too Lomon Supati oodede.

1 Ltesalonike 5:8

Kake kore amu ikira le mparkiji, mataa loaaparricho aaitibiraki! Maichopo naa nkurukoto o nchaman ana nchuret e lgoo, nikinchop sii siligi le njeunoto ana nkopiyia e senkei.

2 Timoti 2:15

Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei.

2 Timoti 4:7

Atama larrabal supat, kakueta naidipa inia kuetata, naibung'a nkurukoto.

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Yakobo 1:18

Kore apa te yieuna enye, neicho iyioo metiini nkata e are aimu rerei lenye odede, payie kiaku ltung'ana lenyena oogeluno taatua ntokitin pooki naitibira ninye.