2 Lkorinto 6:6 - Samburu

⁶ Ikintodolu aajo ikira laisiaayiak le Nkai, aaku ltung'ana oowong nikiata ng'eno o ng'iriata o lng'er nerikoo iyioo Ltau Sinyati, nikintodol ltung'ana nchaman nadede.

2 Lkorinto 6:6 ပူးပေါင်းရင်းမြစ်များ

Rroman 12:9

Meata nchaman nkitaakino, embai ntorrok nimbung'bung aaitirrichaki mbaa supati.

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

1 Lkorinto 13:4

Kore nchaman naa keng'iri, neata lng'er, nemeata lom, nemeikar, nemeilach.

1 Lkorinto 2:16

Ana naigero too Lkigerot Sinyat nchere, <> Kake kore iyioo naa ikiyielo mparrunot e Kristo.

1 Lkorinto 2:4

Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati,

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

2 Lkorinto 11:11

Aanyo payie mayieu reto inchi? Aa ijoijo macham ntae? Keyielo Nkai ajo kacham ntae!

2 Lkorinto 11:4

Eji kore ntae, naa ing'iriri ltung'ani pooki olotu nitii alikoo lomon le likae Yeso lamara ilo likitilikita iyioo ntae, ning'amaa sii likae tau oaapaachere Ltau Sinyati, ning'amaa lkulie omon supati lamara lolo Omon Supati litang'amaitie apa tee iyioo.

2 Lkorinto 11:6

Keidim naa mara arriyia to nkiroroto, kake kayielo netiu mbaa. Naa /ikimbalakinyie ntae chiaake to nkoitiei pooki nenia baa nikiyielo.

2 Lkorinto 12:15

Kaichooyo ntokitin pooki naata tankaraki ntae te ng'ida, nanang ntae. Amaa, keaku nchaman inchi kini ta nanu tankaraki nacham nanu ntae oleng?

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

2 Lkorinto 2:10

Kore pooki ng'ae lipalikiki ntorrok naataasa naa katapalika sii nanu. Amu kore inia natapalika tanaa keatae sa ntoki nayiari napaliki, natapalika tekue Kristo tankaraki ntae,

2 Lkorinto 2:4

Naa kaigeroka ntae aata ltau oirochi nenyamal, naata lkiyioi namara payie aaitanyamal ntae, kake payie iyielou neba nchaman nacham ntae.

2 Lkorinto 3:3

Keibala nchere irara ntae mpalai naing'uaa Kristo. Kore payie eigeri inia palai aaimunyie nkisiayiare ang, naa eitu eigerieki lkalamu kake ltau le Nkai naichu eigerieki, namara too soito dapachi eigero kake taa ltauja loo tung'ana.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Lkorinto 7:2

Entang'amai iyioo, meatae ltung'ani likintarrokita, nemeatae likintopong'oitie, nemeatae sii likintamaaita.

Lgalatia 3:2

Entilikaaki ana toki nabo, amaa, itang'amaitie Ltau Sinyati tankaraki intabaitie nkitanapat ana tankaraki itining'o Lomon Supati nimbung'bung to nkurukoto?

Lgalatia 3:5

Amaa ꞉ilo oicho ntae Ltau neas mbaa e nking'asia taatua ntae, keas nenia tankaraki nimbung'utata nkitanapat ana tankaraki iruko ilo rerei litining'o?

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Epeso 3:4

Tinisomsom ana, indimdim aateyielo ning'unoto naata tana bae naisudoro naipirita Kristo,

Epeso 4:2

Entaa katukul ltung'ana ooitodou ate, niborbor, ning'iriri, meatae lemeng'iri o likae taatua nchaman,

Epeso 4:32

Kake entaasa ltung'ana supati niakuku loaanana ochuaa, nipalikiki lkulie ana natapalika ntae Nkai taatua Kristo.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 2:3

Amu te ninye eisudoyieki murdaicho pooki e kursaicho o ne ng'eno.

Lkolosae 3:12

Kore irara lgelunot sinyat le Nkai oaacham ninye, entaa loaata lng'er o nanai e nkocheke o ng'iriata o mborron.

1 Ltesalonike 2:10

Iatata sipata neata sii Nkai sipata nchere, kore tekue ntae lairukok, naa ikintaitua ate te siaai e Nkai, nikira ltung'ana loosipat, nemeata kusaka naitari iyioo.

1 Timoti 4:12

Nimincho ltung'ani kimen iyie tankaraki nira lelerie, kake kore te rerei lino o to wuanata ino o te nchaman ino o to nkurukoto ino o te sinyaticho ino, taa nkitanyanyukoto naduaaya lairukok.

1 Timoti 5:2

nirorie ntomonok arrarrin ana ninko ng'utunyi o ntomonok leleru ana ninko nkanachera inono, te sinyaticho pooki.

2 Timoti 3:10

Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Tito 2:7

Kore taa mbaa pooki, ntodolu koon aaku nkitanyanyukoto naduaari taa asat supati. Tininteng'enicho, nteng'enicho ta nkanyit metii ndala,

Yakobo 3:17

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 1:22

Kore naa tankaraki intibirita ate aaning ndedei netachamayie ntae Nkai, entachamata katukul taa ltauja supati, payie intodolulu nchaman nadede ana lalachera o nkanachera.

1 Yoana 3:18

Nakera ainien, mikiaku loaacham to nkutuk o te rerei ake, kake matacham taa asat o te ndedei!