2 Lkorinto 6:4 - Samburu

⁴ Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

2 Lkorinto 6:4 ပူးပေါင်းရင်းမြစ်များ

Luka 21:19

Kore te ng'iriata inchi naa itumtum nkichon nemeiting.

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Asat 2:22

<

Asat 20:34

Iyielolo ntae aajo taa nkaik ainien maate aitaka koon o lboitieii lainien nenia nikiyieu.

Asat 9:16

Naa kaitodol nanu ninye newua sina laa meata ajo metum tankaraki nkarna ai.>>

Rroman 14:18

Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit.

Rroman 16:10

nirorokiki Apeles ilo oatasaanaki nechamari taatua Kristo, nirorokiki lolo le nkaji e Arisitobulo,

Rroman 3:5

Keidim ltung'ani neiparu ajo, <> Kukoino! Tanajo nchi, naa kairo ake ana neiko ltung'ana teneiro. Kore tanaa nejia etiu, aji naa eiko Nkai teneiguanare nkop?

Rroman 5:8

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

1 Lkorinto 9:11

Amaa amu ikituuno lantarara la Ltau Sinyati le Nkai taatua ntae, ijo sa meichiaakino iyioo tiniking'amaa ntoki nikinya o nikinchop taa ntae?

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 11:27

Natonyuaa te nkinyinyiret aas siaai. Kore nkatitin kumo naa katala njuo, natumo sumach o nkure, netii nkatitin nateena nkutuk, naatama nkijepe namaata nankan naaitiemu.

2 Lkorinto 11:9

Naa kore apa atii tenebo o ntae, eitu hoo aaku nkirochi to ltung'ani obo, abaki mabore. Amu kore lalachera ootuo eing'uaa apa Makedonia, naa ninche laatereto aicho ntoki pooki naatong'orika. Naaku eitu apake aaku nkirochi taa ntae, namaaku aikata!

2 Lkorinto 12:10

Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

2 Lkorinto 12:12

Kataasa siaai lai pooki te ng'iriata taatua ntae, naa kore mbaa naaitodolu aajo kara lkipaaret odede le Yeso, naa mbaa naataasa Nkai taatua ntae. Ketaasa mbaa naaing'asicho o naaitodolu ngolon enye.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 4:17

Naa kore ele kiti sina le nkiti kata, naa keitibiraki iyioo matum ng'ida nemelimunoi, kitok alang ele sina le taata.

2 Lkorinto 4:2

Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

2 Lkorinto 4:8

Keironyitae iyioo taa mbat pooki, kake eitu kimuta, netii nkatitin nimikiyielo nikias, kake eitu eich iyioo siligi.

2 Lkorinto 7:11

Entodol ja mbaa naataasate tesiedi inia kata payie enyamalu ltauja linchi ana nayieu Nkai. Mara ketaa keikitok nyuata inchi, niteyieuta sii niasias mbaa aichiaaki? Kebaa itogorete tankaraki mbaa naataasate nemeichiaakino? Kebaa iatata ngureticho tankaraki wochoto nindimdim nitumtum? Kebaa iyieuu nidoldol iyioo, nebaa iterretenete payie intememe ilo tung'ani oataasa inia torno? Intodolutua ate katukul aajo meatae hoo ntoki nakurrieki ntae tana bae.

Lkolosae 1:11

Neitogol ntae Nkai to ngolon pooki ana te nkidimata enye e nking'asia, payie itumtum aating'iri taa mbaa pooki. Naa kore te ng'ida ninchocho Papa nache, oitaa ntae looichiaakino netum inia naitayia Nkai lekutuk ajo keicho ntae tenebo o sinyat lenyena oowueni taatua wong'an.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Ltesalonike 3:7

Naa inia lalachera o nkanachera, paa kore taatua nyamali pooki o sina likitumo, naa /keitogoloki ltauja lang tankaraki ntae, kining'ito nkurukoto inchi.

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

1 Timoti 2:15

Kake keitejeuni ninche eiu nkera, tenewuni taatua nkurukoto o nchaman o sinyaticho, to nkoitiei naichiaakino.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

1 Timoti 6:11

Kake kore iyie ltung'ani le Nkai, talama nenia pooki, ninyok aing'oru payie iaku ltung'ani loosipat, neyanyit Nkai, niaku loisiligai niata nchaman o ng'iriata o mborron.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

2 Timoti 2:24

Naa kore laisiaayiani la Laitoriani meyiere payie enya larrabal, kake payie eaku ltung'ani oibor ocheke to pooki ng'ae, nera laiteng'enani supat, neata ng'iriata.

2 Timoti 4:5

Kake kore iyie Timoti, taa ltung'ani otem mbaa nkata pooki, ting'iria taatua sinaitin, taasa siaai oyiere neas ltung'ani olikoo Lomon Supati, nintabaya nkisiaayiare nikinchooki.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 3:10

<<