2 Lkorinto 6:10 - Samburu

¹⁰ ana looisinanio kake niking'ida nkata pooki, nedoli iyioo ana laisinak kake nikintaa lkumo parakuo meteyielo mbaa e Nkai, netuwuana meitoki kiata kake nkunanang ntokitin pooki.

2 Lkorinto 6:10 ပူးပေါင်းရင်းမြစ်များ

Matayo 5:12

Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Matayo 5:4

Emayiana lolo ooichir, amu keitigiri ninche.

Luka 6:21

Imayianana ntae oaata sumach taata amu keitiemuni ntae. Imayianana ntae ooichir taata, amu ikuenini kenya.

Yoana 16:22

Nchi naa abaki itiuu ntae, isinaniono taata kake kaitoki adol ntae, neng'ida ltauja linchi. Kore inia ng'ida nitumutum, meatae looru ntae.

Asat 16:25

Kore etaa keaku kiji kuarie, neranyaki ꞉Paulo o Silas Nkai sinkoliotin le nkisisa eomon, neinining'ito lkulie tung'ana oena tenebo o ninche.

Asat 3:6

Kake nejoki ꞉Petero, <>

Asat 5:41

Neing'uaa lolo Kipaareta atua inia kiguana eng'ida amu keikenaka ꞉Nkai ajo keichiaakino payie enya ꞉ninche sina tankaraki nkarna e Yeso.

Rroman 11:12

Kore tankaraki neitu eiruk ninche, netum nkop pooki mayian, neaku inia ng'orikinoto enche dupoto too ltung'ana lamara loo Lyiaudi. Kewuaa sa mayian natumi, tenechukunyie Isirael pooki aairuk Yeso!

Rroman 12:15

Enting'idata o lolo oong'ida, ninchirchir o lolo ooichirita.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Rroman 9:2

Kaisinanio oleng naata mion nemeyagari taatua ltau lai.

1 Lkorinto 1:5

Kore itii atua ninye neitiemua ntae Nkai to ntoki pooki, aaku arriyiak, niakuku ng'eni,

2 Lkorinto 2:4

Naa kaigeroka ntae aata ltau oirochi nenyamal, naata lkiyioi namara payie aaitanyamal ntae, kake payie iyielou neba nchaman nacham ntae.

2 Lkorinto 4:15

Kore kuna pooki naatumuto iyioo naa keasai payie eret ntae metaa kore ebulaa munyani e Nkai, neponunye ꞉ltung'ana ooicho Nkai nache netum ninye nkisisa te inia.

2 Lkorinto 4:7

Ltung'ana ake oaachal kira iyioo ootuwuana motioo ee nkulupo, kake keichooki iyioo ana toki e tipat, payie eibalai ajo kore ana golon nemeitoki eitinyunyukieki naa Nkai eing'uaa mara iyioo.

2 Lkorinto 8:9

Amu iyielolo ntae munyani e Laitoriani lang Yeso Kristo, laa kore abaki era parakuoni netaa laisinani tankaraki ntae, paa kore aimu sina lenye neitaa ntae parakuo.

Epeso 3:16

Kaomon meitogolo ꞉ninye nkurruki inchi oleng, te risioroto e nkitoo enye kitok, aimu Ltau lenye Sinyati, payie emany Kristo atua ltauja linchi to nkurukoto, paa kore itaa ltung'ana ootuunote lemeigusgus taatua nchaman,

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Lpilipi 2:17

Kore abaki tanaa keibukori lodo lai ana lasar tankaraki nayewua ntae atua nkurukoto, naaku kang'ida nang'ar inia ng'ida tenebo o ntae.

Lpilipi 4:4

Enting'idata taatua Laitoriani nkata pooki, naitoki ake ajo enting'idata!

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

1 Ltesalonike 1:6

Naa itang'asutua apa ntae aairukurukore te nkichon inchi nkoitiei ang o ne Laitoriani. Amu kore abaki iatata sina kitok, naa itang'amaitie rerei te ng'ida naing'uaa Ltau Sinyati,

1 Ltesalonike 5:16

Enting'idata nkata pooki.

1 Timoti 4:8

Amu kore tenelo ltung'ani alak nkejek naa keata inia nkini tipat te sesen lenye, kake kore uriata e Nkai naa keata tipat taa mbaa pooki. Amu keata lekutuk le nkichon e taata o ne kenya,

1 Timoti 6:18

Ntanapa ninche metaasa supati, neparakuonu taa asat supati, neaku looleng neng'arichere lkulie.

Lburania 10:34

Ing'urrie ntae lolo ooteenaki te jila, nitachamaitie te ng'ida meewae ntokitin inchi amu iyielolo aajo iatata ntokitin e tipat naabik ntarasi nianyutata naalang nenia naawaki.

Yakobo 2:5

Eng'ura ja lalachera o nkanachera ainien nacham! Amaa, mara ketegelua ꞉Nkai laisinak tana kop metaa lparakuo to nkurukoto, neaku lootum nkitoria enye naitayia Nkai lekutuk ajo keicho lolo oaacham ninye?

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

Mbolunoto 2:9

Mbolunoto 21:7

Kore inia naa nkichooroto naicho pooki ng'ae ooisul. Kaaku nanu Nkai enye, neaku ninye nkerai ai.