2 Lkorinto 5:20 - Samburu

²⁰ Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

2 Lkorinto 5:20 ပူးပေါင်းရင်းမြစ်များ

Luka 10:16

<>

Luka 14:23

Nejoki ꞉lkitok ilo laisiaayiani lenye,

Yoana 20:21

Neitoki ꞉Yeso ajoki ninche, <>

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

2 Lkorinto 12:10

Kore tankaraki Kristo, nachamaa mbaa naaitaa nanu ltung'ani oachal o tanaitami anyit o tanaaitogolikini o tanaaitami sina o tananyamalu ta ltau. Amu kore nkata nachal, naa inia kata agol.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 5:11

Kore tankaraki nikiyielo aajo keichiaakino payie eurieini Laitoriani, naaku ikinyok aasai ltung'ana meeiruko lomon lang. Keyielo Nkai iyioo katukul ajo oong'ae kira, nayieu sii niyielouu ntae taa ltauja linchi nikitiu.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Epeso 6:20

lolo laa tee ninche ara nanu loirruaayieki le Kristo oena. Naaku Entoomonokaaki payie atum airoro te mpijan ana nayiere payie airo.

Lkolosae 1:20

Neitemelet koon o ntokitin pooki naatii nkop o naatii chumata, eyewua sotua aimu lodo le Nkerai enye oibukori to lmusalaba.

1 Ltesalonike 4:8

Tankaraki inia, kore loany ana naa mara ltung'ani etanya, kake Nkai naicho ntae Ltau Sinyati.