2 Lkorinto 5:13 - Samburu

¹³ Kore tanaa ikitamadete naa tankaraki nikisiaita Nkai, naa tanaa kecho iyioo nkuechi, naa tankaraki nikisiaita ntae.

2 Lkorinto 5:13 ပူးပေါင်းရင်းမြစ်များ

Marko 3:21

Kore pee ening ꞉nkang enche ana, nepuo aibung ninye ayau, amu ketejo merekure ebore nkue.

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

2 Lkorinto 11:1

Kaisilig ajo ing'iriri tanairorie ntae abaki tanairo taata peneu ana lmadai. Kaamon ntae, enting'iri!

2 Lkorinto 12:11

Katutuwuana ana lmadai naa ntae likinkuna nejia, amu ntae apa eyiere payie kirreprrep nanu. Kore abaki tanaa meitoki ara, mara nanu kini too lolo lkipaareta kulda ooji le tipat oleng.

2 Lkorinto 12:6

Kore abaki duaake tanaa kayieu naikarrie nenia baa, maaku sii lmadai amu sipata ake alimuta. Kake maikarrie payie meatae ltung'ani laailiepie aitalang inia natoduaa ninye tanaa natining'o ta nanu.

2 Lkorinto 7:12

Naaku kore abaki inia palai naigero, mara tankaraki ilo oitarroyie tanaa ilo oitarrokaki, kake kaigero payie itumtum aatisipu tekue Nkai aajo itijing'aitie iyioo katukul.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Ltesalonike 1:5

Naa mara ake te rerei eotuo Lomon Supati lang nitii ntae, kake to ngolon o ta Ltau Sinyati o sipunoto nabore ajo kedede. Iyielolo sii netiu apa lwuenet lang kiwueni tenebo o ntae. Ikitowuana apa aiko nejia tankaraki ntae.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.