2 Lkorinto 5:1 - Samburu

¹ Ikiata sesen le ana kop otuwuana nkaji e nkiti kata namanya nkichui ang. Naa Ikiyielo aajo kore kenya teneidaari ele sesen, ikiata te chumata sesen oicho iyioo Nkai, oaku nkaji nabik ntarasi neitu eitibir nkaina e ltung'ani.

2 Lkorinto 5:1 ပူးပေါင်းရင်းမြစ်များ

Marko 14:58

< >>

Asat 7:48

<

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

2 Lkorinto 4:7

Ltung'ana ake oaachal kira iyioo ootuwuana motioo ee nkulupo, kake keichooki iyioo ana toki e tipat, payie eibalai ajo kore ana golon nemeitoki eitinyunyukieki naa Nkai eing'uaa mara iyioo.

2 Lkorinto 5:4

Amu kore ake ewuon kiata ele sesen le ana kop naa ikinchir, neirochi iyioo ltauja tankaraki nimikiyieu neitaini ele sesen lang, kake ikiyieu payie eichopokini iyioo sesen lemeye paa kore ele sesen oye, neimulmuli te nkichui nabik ntarasi.

Lkolosae 2:11

Taatua ninye sii etumurataki ntae. Ketaase ana payie eburkuchuni mpukunoto inchi torno, namara to muratare namuratichoe taa nkaik, kake to muratare e Kristo.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

Lburania 11:10

Amu keanyuta apa ninye ilo kerenket obik ntarasi laa kore ilo oitibira nechet naa Nkai.

Lburania 9:11

Kake keidipa Kristo ayeu ana laitainoni la lasar loo ntokitin supati naaotuo. Netijing'a ninye nkaji e Nkai alo atua Ng'oji sinyati naaisul pooki. Kore inia aji naisiaaichere ninye, naa keisupat oleng neitu eitibir nkaik ee ltung'ana, amu mera nkaji ena kop.

Lburania 9:24

Amu eitu ejing Kristo Ng'oji Sinyati aisul pooki naitibira nkaik ee ltung'ana, inia nara ake nkitanyanyukoto e inia nadede, kake ketijing'a ninye chumata, payie etum taata achomo tekue Nkai eliki ninye mbaa ang.

1 Petero 1:4

nitumtum sii ntae metaa ninchi mayian nemeiting, nemorroyo, nemeichunye, naitaanyutae ntae te chumata.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

1 Yoana 3:14

Kore naa amu ikicham iyioo lalachera lang, naaku ikiyielo aajo ikitung'aitie iyioo lkiye nikijing atua nkichon. Amu kore ilo lemecham lalache lenye naa atua lkiye etii.

1 Yoana 3:19

Kore tinikicham lkulie, nikiyielou aajo ikira le ndedei. Tana oitiei kincho ltauja lang metaa meata ngureticho tekue Nkai,

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.