2 Lkorinto 4:6 - Samburu

⁶ Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Lkorinto 4:6 ပူးပေါင်းရင်းမြစ်များ

Luka 10:22

Kaaitarasaka Papa lai, ntoki pooki apik nkaina ino. Meatae hoo loyielo ajo ng'ae Nkerai mara Papa ake, nemeatae sii loyielo ajo ng'ae Papa mara Nkerai ake, o ilo oyieu ꞉Nkerai neibalakinyie.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 11:40

Nejoki ꞉Yeso, <>

Yoana 12:41

Ketejo apa Isaya kuna baa tankaraki ketodua nowua nkitoo e Yeso, nelimu mbaa naipirita ninye.

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

2 Lkorinto 2:10

Kore pooki ng'ae lipalikiki ntorrok naataasa naa katapalika sii nanu. Amu kore inia natapalika tanaa keatae sa ntoki nayiari napaliki, natapalika tekue Kristo tankaraki ntae,

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Epeso 1:18

Naamon sii metobolo Nkai ltauja linchi, payie itumtum aateyiolo nowua siligi oipotoka ninye ntae, o nowua supaticho e inia natipika Nkai metaa ninchi tenebo o sinyat lenyena,

Epeso 5:8

Amu irara apa ntae naimin, kake kore taata irara wong'an taatua Laitoriani. Naaku enchom naa ana nkera e wong'an!

Lpilipi 2:6

Kore abaki era ninye Nkai, eitu eitaa inia nara Nkai toki,

Lkolosae 1:15

Kore Nkerai e Nkai naa nkitanyanyukoto nalioo e Nkai nemelioo, ilo oing'uaa Nkai ewuon apake eitu eitibiri nkop naa ninye oitore ntoki pooki naitibiraki.

1 Ltesalonike 2:12

Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 6:4

Amu meidimai payie echukuni lolo tung'ana meeirriidu, ootumo apa wong'an e Nkai neichamichamita nkichooroto enye naing'uaa chumata, netang'amaitie Ltau Sinyati. Keichamchamita ninche rerei supat le Nkai o ngolon e Nkai e ng'amata nalotu, neitoki aarriaa. Kore teneas nejia, naa keitorno tee ninche, amu inji etuwuana teneigilieki Nkerai e Nkai lmusalaba aache, neitami anyit tekue ltung'ana.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

2 Petero 1:19

Naaku ikiata abaki taata sipata oleng e lkilikuai oatamautua apa loibonok le Nkai. Naa keisupat taa ntae tining'orng'or inia natejo ninche, amu inji etuwuana ana lkilang'ilang'et oilu ta naimin ana meyeu wong'an e siran, neipung'u lakira le siran taa ltauja linchi.