2 Lkorinto 4:4 - Samburu

⁴ Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

2 Lkorinto 4:4 ပူးပေါင်းရင်းမြစ်များ

Matayo 13:22

Kore lkuku ootodokita lantarara atua, naa ltung'ani oning ilo rerei, kake kore payie etum irran e ana kop o mpong'ori e parakuoicho, neiding'aki, negor ilo rerei, metaa meiu lng'anayio.

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Yoana 12:31

Kore taata, keiguanareki ana kop, naa taata emirari ilo oitore ana kop aaipung'ie aulo.

Yoana 12:35

Newoliki ꞉Yeso ajoki, <

Yoana 12:40

<>

Yoana 12:45

Kore ilo laadol nanu, naa etoduaa ilo laairriwua.

Yoana 14:30

Merekure airorie ntae mbaa kumo, amu kelotuta ilo oitore ana kop. Meata ninye ngolon ta nanu,

Yoana 15:24

Kore tanaa eitu aas taatua ninche nenia asat neitu hoo aikata eas likae tung'ani, anata meata naipari ninche to ng'oki. Kake ketodua taata ninche kuna asat e nking'asia naaibai nanu, neibai sii Papa.

Yoana 16:11

Neibalakinyie sii ndung'oto e nkiguana nchere kore loitore ana kop, neidipaki aatudung'oki nkiguana torno.

Yoana 8:12

Neitoki Yeso ajoki lolo tung'ana, <>

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Asat 26:23

Katilika ninche nchere keitami ilo Aitejeunoni oaanyutae oji Kristo sina neri metua, neaku lekue opiu taatua lootuata nelikoo wong'an, aliki lorere lang o lkulie oreren.>>

1 Lkorinto 10:20

Mara pae nejia, kore najoito naa ana, kore lasarri ooitai lolo lemeyielo Nkai naa lairiruani eitaki mara Nkai. Namayieu payie iatata nchula o lairiruani.

2 Lkorinto 2:11

payie metumoki Chitani atupurro iyioo amu ikiyielo aajo keitorrok losegin lenyena.

2 Lkorinto 2:12

Kore payie abaki lkerenket le Tiroa alikoo Lomon Supati le Kristo, naa kaatobolakaki nkoitiei naasie siaai la Laitoriani,

2 Lkorinto 3:11

Naa amaa tanaa kore wong'an e inia nairokicharita neyewuo eata nkitoo natiu nejia, kebaa era kitok wong'an e nkitoo e inia kisiaayiere nabik!

2 Lkorinto 3:14

Kake keitogoloki apa nkuechi enche metaa mening'u. Kore o taata teneisomi Lkigerot Sinyat lo lning'o musana tekue ltung'ana, ewuon ake etii inia anka, nemebolori amu taatua Kristo ake eitaini.

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

Lgalatia 1:4

Ilo laa ninye oichorua koon tankaraki ng'ok ang, pee etum atalaku iyioo taa mbaa torrok e ana kop, ana yieunoto e Nkai Papa lang.

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

Epeso 6:12

Amu mikinya iyioo larrabal aarare ltung'ana, kake ikirere laitoriak o lolo oaata nkitoo, nikirere looitore ana kop e naimin, nikirere sii lairiruani torrok otii loing'ang'e.

Lpilipi 2:6

Kore abaki era ninye Nkai, eitu eitaa inia nara Nkai toki,

Lkolosae 1:15

Kore Nkerai e Nkai naa nkitanyanyukoto nalioo e Nkai nemelioo, ilo oing'uaa Nkai ewuon apake eitu eitibiri nkop naa ninye oitore ntoki pooki naitibiraki.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

1 Timoti 1:11

Nejia ejo Lomon Supati le nkitoo e Nkai ang namayiana, lolo Omon laaichooki nanu mataa laing'urani.

Tito 2:13

kianyuta siligi lang omayiana, meitabari tenelioii nkitoo ee Nkai aang kitok, nara Laitejeunoni lang Yeso Kristo.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Lburania 6:4

Amu meidimai payie echukuni lolo tung'ana meeirriidu, ootumo apa wong'an e Nkai neichamichamita nkichooroto enye naing'uaa chumata, netang'amaitie Ltau Sinyati. Keichamchamita ninche rerei supat le Nkai o ngolon e Nkai e ng'amata nalotu, neitoki aarriaa. Kore teneas nejia, naa keitorno tee ninche, amu inji etuwuana teneigilieki Nkerai e Nkai lmusalaba aache, neitami anyit tekue ltung'ana.

2 Petero 1:19

Naaku ikiata abaki taata sipata oleng e lkilikuai oatamautua apa loibonok le Nkai. Naa keisupat taa ntae tining'orng'or inia natejo ninche, amu inji etuwuana ana lkilang'ilang'et oilu ta naimin ana meyeu wong'an e siran, neipung'u lakira le siran taa ltauja linchi.

1 Yoana 2:11

Kake kore loiba lalache lenye naa naimin etii, neloito taatua naimin, nemeyielo neloito amu keitomodoo ninye ꞉naimin.

1 Yoana 2:8

Naa kore sii eyia, kaigerokita ntae nkitanapata ng'ejuk, inia nadede te Yeso o taa ntae. Amu kore naimin naa keipung'uto, neiluta inia wong'an nadede.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.