2 Lkorinto 4:2 - Samburu

² Kake ikitanya mbaa pooki naaisudoro e anyit, nimikiasichere sapare tanaa kintarruoo rerei le Nkai. Ikimbalie sipata ee Lomon Supati, kiyieu payie esipu pooki ng'ae ta ltau lenye nikitiu tekue Nkai.

2 Lkorinto 4:2 ပူးပေါင်းရင်းမြစ်များ

Rroman 1:16

Madol nanu anyit too Lomon Supati, amu ninche ngolon e Nkai naitejeu pooki ng'ae ooiruk, ang'asu too Lyiaudi neitoki Lgirriki.

Rroman 6:21

Naaku amaa, nyo apa itumo ntae tee nenia baa? Kore nitumo, naa nenia baa naaitam taata ntae anyit, naa kore nkiting'oto enche naa lkiye.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:3

Kore ana apa natasapa lasurai to loseg lenye Awa, kaurie ajo keitarruorri mparrunot inchi metaa mekure irara ltung'ana ooisiligai, lemeata ntioto to sotua oaata o Kristo.

2 Lkorinto 11:6

Keidim naa mara arriyia to nkiroroto, kake kayielo netiu mbaa. Naa /ikimbalakinyie ntae chiaake to nkoitiei pooki nenia baa nikiyielo.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 5:11

Kore tankaraki nikiyielo aajo keichiaakino payie eurieini Laitoriani, naaku ikinyok aasai ltung'ana meeiruko lomon lang. Keyielo Nkai iyioo katukul ajo oong'ae kira, nayieu sii niyielouu ntae taa ltauja linchi nikitiu.

2 Lkorinto 6:8

Ikintodolu naa aajo ikisiaaita Nkai oo eyanyiti iyioo tanaa emeni, oo eitarruorri iyioo nkarn tanaa errepi. Kewaki iyioo ana ltung'ana oasapicho kake nikiro iyioo sipata,

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.

Epeso 4:14

Naaku mikintoki aaku nkera naanang'aa laing'ok le nkare idie o idie, nenia naaya siwuo pooki le nkiteng'ena ee ltung'ana oaasapicho o loaata losegin, neitopong'oo metijing'a atua losegin le sapare.

Epeso 5:12

amu anyit abaki teneipoti nenia naas ltung'ana laijo lolo too nkusudorot.