2 Lkorinto 4:15 - Samburu

¹⁵ Kore kuna pooki naatumuto iyioo naa keasai payie eret ntae metaa kore ebulaa munyani e Nkai, neponunye ꞉ltung'ana ooicho Nkai nache netum ninye nkisisa te inia.

2 Lkorinto 4:15 ပူးပေါင်းရင်းမြစ်များ

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

1 Lkorinto 9:19

Kore abaki ara nanu ltung'ani lamara rrindik loo ltung'ana, kaitaa koon rrindik loo ltung'ana pooki payie atum ateyietu lkumo metaa le Kristo.

2 Lkorinto 1:11

tiniretutu iyioo to nkomono. Kore teneomon ltung'ana kumo Nkai meichoo iyioo omom enye, naaku keicho kenya ꞉lkumo ninye nache tankaraki iyioo.

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

Lgalatia 1:24

Neisis ꞉ninche Nkai tankaraki mbaa naaitaasa.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Timoti 1:14

Netubukua Laitoriani lang munyani enye tenebo o nchaman o nkurukoto nikiata taatua Kristo Yeso.

2 Timoti 2:10

Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi.

1 Petero 2:9

Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena.

1 Petero 4:11

Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.