2 Lkorinto 4:14 - Samburu

¹⁴ Ikiyielo aajo kore Nkai naitipiwua Laitoriani Yeso aitung'aa lootuata, keitipiu sii ninye iyioo kitii atua Yeso neyau iyioo inie netii ninye tenebo o ntae.

2 Lkorinto 4:14 ပူးပေါင်းရင်းမြစ်များ

Luka 21:36

Entirripicho nkata pooki, iomonmon, payie indimdim aatapachere nana pooki naapuku, nidimdim aaitacho tekue Nkerai e ltung'ani.>>

Asat 2:24

Kake neitipiu ꞉Nkai ninye taatua lootuata, neitai taatua mion e lkiye, amu meidimai apake payie eitore ꞉lkiye ninye.

Asat 2:32

Kore ele Yeso naa keitipiwua Nkai ninye, naa ikilimu iyioo pooki sipata e inia.

Rroman 8:11

Kore tanaa kemanya atua ntae Ltau le ilo oitipiwua Yeso Kristo too lootuata, naaku keicho kenya ninye seseni linchi ooye nkichui to ngolon e Ltau lenye, oamanya atua ntae.

1 Lkorinto 6:14

Keitipiwua ꞉Nkai ninye aaitung'aa lootuata naa keitipiu sii iyioo to ngolon enye.

2 Lkorinto 11:2

Ituwuanana ntae ana ntito naichooyieki meyema lpayian obo, naa kore ilo payian naa Kristo. Naaku, mayieu hoo ltung'ani olotu aitopong'oo ntae, amu Nkai naatipika lom, matolomo ntae payie mindapachariri ake aaing'uaa ilo payian oichooki ntae, kake payie ichamcham ninye apeny.

Epeso 5:27

netum ayaki koon nkanisa naipilipil nemeata rachata anaa ntioto anaa ntoki natuwuana inia pee eaku nkanisa sinyati nemeata kusaka.

Lkolosae 1:22

naa eyewua Nkai taata melet terichet ntae o koon aimu lkiye le Nkerai enye natua to nkop payie etum aitaa ntae sinyat, ltung'ana lemeata ntioto nemeata nakurrieki tekue ninye.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

1 Ltesalonike 4:14

Kore ana nikiruk aajo ketua Yeso neitoki apiu, nejia sii ake etiu, ikiruk aajo keyau ꞉Nkai ninye tenebo o lolo ooilurate etii atua Yeso.

Yakobo 5:15

Naa kore nkomono enche natoomono to nkurukoto, neichiunyie ilo tamoyiai, neinyoyie ꞉Laitoriani ninye. Naa kore tanaa ketaasa ng'oki, nepalikini.

Yuda 1:24

Kore ilo oidim atirripo ntae metaa mirrorrorro, nepik ntae tekue nkintoo enye miatata ntioto ing'idada,