2 Lkorinto 4:1 - Samburu

¹ Kore tankaraki naichoo iyioo Nkai te lng'er lenye ana kisiaayiere, naaku megila iyioo ltauja.

2 Lkorinto 4:1 ပူးပေါင်းရင်းမြစ်များ

Luka 18:1

Kore mparri nabo, neliki ꞉Yeso ninche nkitanyanyukoto ajoki keiririkino payie eomon nkata pooki, nemeinauru.

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

1 Lkorinto 7:25

Kore taa mbaa naaipirita ltung'ana leitu eyemicho o leitu eemi, maata nkitanapata naaichoo ꞉Laitoriani, kake kalimu nanu nduaata ai atuwuana ilo oisiligai amu kaaichoo Laitoriani omom.

2 Lkorinto 3:12

Naaku kore naa tankaraki nikiata siligi laijo ilo, naaku ikiro meitoki kiurie.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 4:16

Naaku megila iyioo ltauja. Kore abaki emutari seseni lang le oriong, naa keiteng'ejuki nkurruki ang mparri o mparri.

2 Lkorinto 5:18

Nkai nataasa ana pooki, aa kore aimu Kristo neitutumoka iyioo koon, neitoki aicho iyioo ana kisiaayiere maitemeleta lkulie o ninye.

Lgalatia 6:9

Naa mikinauru kias mbaa supati, amu kore teneitu kinauru taa ltauja, naa iking'amaa laare ta nkata nalotu.

Epeso 3:13

Naaku kajoki ntae payie minchocho egila ntae ltauja tankaraki e sina laatumo tankaraki natilika ntae Lomon Supati, amu ketaase inia payie itumtum ntae rrepeta.

Lpilipi 4:13

Kaidim ataasa nenia baa pooki atii atua Kristo laaicho ngolon.

2 Ltesalonike 3:13

Kake kore naa ntae lalachera, eminauru iasias mbaa supati.

1 Timoti 1:13

Kore abaki ara apa nanu ꞉ltung'ani odek Kristo, naitam nkanisa enye sina nara ltung'ani oricho, kake kaaing'urrieki nanu amu kataasa nenia pooki mayielo, namaata nkurukoto.

Lburania 12:3

Entaparru newua sina oitamita ꞉ltung'ana loo ng'ok ninye! Entaparrai naa ninye payie minaururu negila ntae ltauja.

1 Petero 2:10

Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.

Mbolunoto 2:3

Iting'iria sina tankaraki nanu, neitu inaururu.