2 Lkorinto 3:8 - Samburu

⁸ kebaa sa wong'an e nkitoo e nkisiayiare e Ltau Sinyati!

2 Lkorinto 3:8 ပူးပေါင်းရင်းမြစ်များ

Yoana 1:17

Amu kore Nkitanapat naa keichorua Nkai aimunyie Musa, kake kore munyani o ndedei neimunyie Yeso Kristo.

Yoana 7:39

Kore ana bae natejo Yeso, naa keipirita Ltau Sinyati otum kenya pooki ng'ae oiruko ninye, amu kore apa inia kata naa ewuon eitu eichoruni ilo Tau Sinyati, tankaraki ewuon eng'or nkata payie eiliepieki.

1 Lkorinto 3:16

Amaa, miyielolo aajo irara ntae nkaji e Nkai naa atua ntae emanya Ltau le Nkai?

2 Lkorinto 11:4

Eji kore ntae, naa ing'iriri ltung'ani pooki olotu nitii alikoo lomon le likae Yeso lamara ilo likitilikita iyioo ntae, ning'amaa sii likae tau oaapaachere Ltau Sinyati, ning'amaa lkulie omon supati lamara lolo Omon Supati litang'amaitie apa tee iyioo.

2 Lkorinto 3:17

Kore ilo Aitoriani naa Ltau Sinyati, naa kore ake netii ilo Tau Sinyati la Laitoriani, netii lakunoto.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 3:7

Kore lning'o musana naa keata apa nkitanapat naaisiayieki Nkai, naaigeroki too soito dapachi. Kore payie eichoruni neibalunye apa nkitoo e Nkai, abaki eirokicharita wong'an e inia kitoo to nkomom e Musa, kake kepi apa oleng ana metaa meidim ltung'ana le Isirael aatukurraki ninye nkonyek. Amaa pasa tanaa nejia ewua wong'an e nkitoo e inia kisiaayiere nayau lkiye,

2 Lkorinto 3:9

Amaa tanaa keikitok nkitoo naata apa inia kisiaayiere nayau nkiguana torno, kebaa sa nkitoo e inia kisiaayiere ng'ejuk naitaa iyioo loosipat tekue Nkai!

Lgalatia 3:14

Kore taatua Laitejeunoni Yeso, nebaki mayian e Abraam lochon pooki, payie kitum aatang'amai lekutuk la Ltau to nkoitiei e nkurukoto.

Lgalatia 5:5

Amu ta Ltau o to nkoitiei e nkurukoto, kianyu iyioo ilo siligi oitabari aajo, keikenaki iyioo Nkai sipat.

Epeso 2:18

Amu kore tankaraki inia nataasa Kristo, nikitum pooki aatu netii Papa aaimu ilo Tau Sinyati ake obo.

2 Ltesalonike 2:13

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.