2 Lkorinto 3:6 - Samburu

⁶ Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 3:6 ပူးပေါင်းရင်းမြစ်များ

Matayo 13:52

Nejoki, <>

Matayo 26:28

amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok.

Marko 14:24

Nejoki ninche, <

Luka 22:20

Kore eidipa aatam ndaa, neitoki aiko nejia lkikompe ejo, <

Yoana 5:21

Naa kore ana naitipiu ꞉Papa lootuata neicho nkichui, naa nejia sii eiko ꞉Nkerai teneicho nkichui lolo oyieu neicho.

Yoana 6:63

Kore Ltau Sinyati naa ninye oichoru nkichui, naa kore ngolon e ltung'ani naa meitoki eidim ataasa. Kore rerei latiaka ntae, naa nkiyeng'et o nkichui.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

Rroman 3:20

Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 4:17

ana naigeroki too Lkigerot Sinyat aajo, <> Kore apa Abraam naa kera ninye papa lang tekue nkonyek e Nkai, inia Ai apa nairuko naa ninye naicho nkichon lootuata neitaa ntokitin nemeatae apake metaa keatae.

Rroman 7:6

Kake kore taata ta mbata ee nkitanapat naitaa apa iyioo rrindiki, naa ikituata. Naa kore tankaraki nikituata, naaku ketalakauaki iyioo tee nenia kitanapat payie kitum aaisiaaicho to nkoitiei ng'ejuk e Ltau Sinyati, namara ta napa oitiei musana ee nkitanapat.

Rroman 8:2

Amu kore tankaraki nara le Kristo Yeso, naalaku ngolon e ꞉Ltau Sinyati oichoru nkichui to ngolon naaitaa nanu rrindik loo ng'ok naayakita lkiye.

1 Lkorinto 11:25

Kore payie eidip aatam ndaa, nerrapu lkikompe nejo, <>

1 Lkorinto 12:28

Kore ta nkanisa enye, naa ketegelua Nkai ltung'ana lbata metaa, kore lekue naa lkipaareta le Yeso, kore le oare naa loibonok le Nkai, kore le okuni naa laiteng'enak le nkanisa, neitoki agelu lkulie metaa loaata ngolon naasie mbaa e nking'asia, o loaata ngolon naichiunyie ltamoyia, o loaata nkidimata naretichiere, o loaata nkichoorot e rikore o loiro too nkulie kutukie.

1 Lkorinto 15:45

Amu kejo Lkigerot Sinyat, <> kake kore Adam le siedi neaku keata mpukunoto e Nkai neichooyo nkichui.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

2 Lkorinto 3:14

Kake keitogoloki apa nkuechi enche metaa mening'u. Kore o taata teneisomi Lkigerot Sinyat lo lning'o musana tekue ltung'ana, ewuon ake etii inia anka, nemebolori amu taatua Kristo ake eitaini.

2 Lkorinto 3:3

Keibala nchere irara ntae mpalai naing'uaa Kristo. Kore payie eigeri inia palai aaimunyie nkisiayiare ang, naa eitu eigerieki lkalamu kake ltau le Nkai naichu eigerieki, namara too soito dapachi eigero kake taa ltauja loo tung'ana.

2 Lkorinto 3:7

Kore lning'o musana naa keata apa nkitanapat naaisiayieki Nkai, naaigeroki too soito dapachi. Kore payie eichoruni neibalunye apa nkitoo e Nkai, abaki eirokicharita wong'an e inia kitoo to nkomom e Musa, kake kepi apa oleng ana metaa meidim ltung'ana le Isirael aatukurraki ninye nkonyek. Amaa pasa tanaa nejia ewua wong'an e nkitoo e inia kisiaayiere nayau lkiye,

2 Lkorinto 3:9

Amaa tanaa keikitok nkitoo naata apa inia kisiaayiere nayau nkiguana torno, kebaa sa nkitoo e inia kisiaayiere ng'ejuk naitaa iyioo loosipat tekue Nkai!

Lgalatia 3:21

Amaa, keibooyo ꞉nkitanapat lekutukie le Nkai? Meibooyo katukul! Amu tanaa keichoruaki apa nkitanapat naaidim aaichoru nkichui, anata duo eikenakaki ltung'ana sipat tankaraki naibung'a nkitanapat.

Epeso 2:1

Keichoo apa ntae Nkai nkichon ng'ejuk ewuon irara ntae ltung'ana ootuata iasitata ntorrok o ng'ok inchi.

Epeso 2:5

naa inia paa kore abaki ewuon kituata tankaraki ng'ok ang, neicho iyioo nkichui ng'ejuk tenebo o Kristo. Naa munyani e Nkai eitejeunyieki ntae.

Epeso 3:7

Naaichoo nanu ꞉Nkai to munyani enye mataa laisiaayiani loo kulo Omon Supati to ngolon enye naasicho.

1 Timoti 4:6

Kore tininteng'en lalachera o nkanachera kuna baa, niaku laisiaayiani supat le Kristo Yeso, neitodolu inia ajo itubulua taatua rerei le nkurukoto o le inia kiteng'ena supat nirukurukore.

2 Timoti 1:11

Kaategeluaki mataa lalikoroni o Lkipaaret o laiteng'enani loo lolo Omon Supati.

Lburania 12:24

o netii Yeso oara laitutumoni le Nkai o ltung'ana te lning'o ng'ejuk o netii ilo odo oitukoo ng'ok neiro mbaa supati alang lodo le Abel oyieu neitalakicho Nkai to ngoro.

Lburania 13:20

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.

Lburania 7:22

Kore tankaraki ele lekutuk, neaku Yeso sipsip e lning'o likiata o Nkai.

Lburania 8:13

Kore tenejo Nkai lning'o <>, naa keikena ilo lekue ajo keimusana, naa kore ntoki natumusana, nemerokure eata tipat naa ketaa keichunye.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

1 Yoana 1:1

Kore ilo otii apake ta ng'asunoto, nikitining'o, nikitoduaa too nkonyek ang, nikimbung'a taa nkaik ang, naa ninye ilo rerei le nkichui likilikoo.