2 Lkorinto 3:1 - Samburu

¹ Amaa, ikingilita dei aitoki aarrep ate? Ana ikiyieu iyioo mpala ana lkulie tung'ana naaitodol ntae aajo oong'ae kira, tanaa mpala inchi nilikinyienyie lkulie tung'ana aajo oong'ae kira?

2 Lkorinto 3:1 ပူးပေါင်းရင်းမြစ်များ

Asat 18:27

Kore payie ening lolo ooiruko Kristo aajo keyieu Apolos nelo Akayia, neretoo inia duaata enye, neigeroki looiteng'eni ootii inie mpalai payie eng'amaa ninye. Kore payie ebaya inie, nenyok aretu te munyani e Nkai lolo ooiruko Yeso.

Rroman 16:1

Karrepaki ntae nkanache ang Pibi, nkaisiayiani ta nkanisa natii Kenkerea,

1 Lkorinto 10:33

Kaas abaki nanu nejia anyok nkata pooki aaiting'id ltung'ana pooki, namaing'oru inia naaret nanu, kake naret pooki ng'ae payie etum ninche aatejeu.

1 Lkorinto 16:3

Kore sii tanabau naa kaitanap lolo tung'ana meewaita Yerusalem nenia kichoorot o mpala naaimaki nenia ropiyiani.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

1 Lkorinto 4:15

Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

2 Lkorinto 10:12

Mikintieu taa iyioo aatipik ate atua lolo tung'ana oorrep ate, tanaa kintinyunyukore ate ninche. Kemada ninche amu ketemie ate ate, eing'or ake netiu ninche maate.

2 Lkorinto 10:18

Amu mara ilo orrep koon etachamayieki, kake ilo otum rrepet ta Laitoriani.

2 Lkorinto 10:8

Kore abaki tanaa kaikonyi aaikarrie nkitoria naichoo iyioo Laitoriani maitubulunyie ntae namara nikiarie ntae, madol hoo anyit.

2 Lkorinto 12:11

Katutuwuana ana lmadai naa ntae likinkuna nejia, amu ntae apa eyiere payie kirreprrep nanu. Kore abaki tanaa meitoki ara, mara nanu kini too lolo lkipaareta kulda ooji le tipat oleng.

2 Lkorinto 12:19

Amaa teneisomakini taata ntae ana palai, ijoijo ntae nkata pooki ikinyokita iyioo aang'oroo ate? Metiu nejia! Ikiro iyioo ana laisiaayiak le Kristo tekue Nkai, naa kore pooki nikijo, sotuatin lainien lacham naa payie eitogol ntae.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

2 Lkorinto 5:12

Mikintoki aaigil arrepaki ntae ate, kake ikiyieu nikincho ntae mpaach ning'idarere iyioo, payie itumtum aatowoliki lolo oong'idare mbaa eoriong namara ne atua ltau.