2 Lkorinto 2:14 - Samburu

¹⁴ Kake kaicho Nkai nache amu kore taatua Kristo, keisula ninye, nerikoo iyioo, neasichere iyioo meteyielo ltung'ana ninye to ng'oji pooki ana lasar orropili.

2 Lkorinto 2:14 ပူးပေါင်းရင်းမြစ်များ

Yoana 16:33

Katilika ntae kuna baa payie iatata seriani taatua nanu. Iatata sina to nkop, kake entogolo nkochua amu katimira nanu nkop!>>

Rroman 1:8

Kore nekue, naa karrinyoki Nkai ai nache ta nkarna e Yeso Kristo tankaraki ntae pooki, amu kelikoritae nkurukoto inchi to nkop pooki.

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

Rroman 6:17

Kake ache ta Nkai, amu kore apa ntae oaara rrindiki loo ng'ok, nitaa taata looning taa ltauja linchi pooki inia oitiei e nkiteng'ena naichoruaki metuutai ntae.

Rroman 8:37

Meitoki naidim atoorie iyioo! Kore te nenia baa pooki, naa ikisul katukul, te ilo oatachama iyioo.

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

1 Lkorinto 15:37

Kore tiniunicho, mara lcheni sapuk otubulua iun kake lantararai ake payie era le nkano tanaa sii ake likae antararai.

1 Lkorinto 15:57

Kake ache Nkai! Amu ninye naichoo iyioo mirichoi aimu Laitoriani lang Yeso Kristo.

2 Lkorinto 1:11

tiniretutu iyioo to nkomono. Kore teneomon ltung'ana kumo Nkai meichoo iyioo omom enye, naaku keicho kenya ꞉lkumo ninye nache tankaraki iyioo.

2 Lkorinto 8:16

Kaicho Nkai nache natipika ltau le Tito yieuna naretie ntae ana naata chiaake nanu.

2 Lkorinto 9:15

Maichoo Nkai nache tankaraki inia nkichooroto enye kitok nemelimunoi!

Epeso 5:2

Entewueni te nchaman ana natachama iyioo Kristo neitai koon anang iyioo aaku lasar orropili ta Nkai.

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

Lpilipi 4:18

Kore naa, katang'amayie nkichoorot pooki nikiterewakita, naa keterepaitie yieunot ainien. Kaata naa taata pooki nayieu amu kaitabaka ꞉Epapiroditas nkichoorot inchi. Kore ninche naa lasar orropili, ong'amaroi neiting'id Nkai.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

Lkolosae 2:15

Netigilgila ninye ngolon o nkitoria pooki e naimin edolita pooki ng'ae, amir pooki to lkiye lenye o te mpiunoto enye.

1 Ltesalonike 1:8

Amu kore rerei la Laitoriani, naa ketining'ie eing'uaa ntae, naa mara ake taa mbat e Makedonia o ne Akayia etining'ie, kake ketabayie nkurukoto inchi taatua Nkai ng'oji pooki, metaa meatae abaki mbae nayiere nikintoki iyioo aaponiki.

1 Ltesalonike 3:9

Nyo sa kirrinyokinyie Nkai nache te inia ng'ida pooki nikiaata tekue ninye tankaraki ntae?

1 Timoti 2:8

Kayieu naa kore lewa, neomon to ng'oji pooki, neiliepie nkaik enche naasinya meata ngoro, nemeata nchankar.

2 Timoti 2:2

Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae.

Mbolunoto 7:12

nerany aajo, <>